Qazan aıynyń sońǵy kúni Pákistanda as pisirý úshin paıdalanylǵan gaz ballonynyń jarylysy saldarynan Karachı-Ravalpındı baǵytyndaǵy jolaýshylar poıyzynda jarylys bolyp, 73 adam qaza tapty, 20-ǵa jýyq adam túrli dárejedegi kúıik pen jaraqat alǵandyǵy belgili. Osyǵan oraı saqtyq jáne aldyn alý maqsatynda «Mańǵystaý-Almaty» baǵytyndaǵy jolaýshylar poıyzynda aýqymdy úgit-nasıhat jumystary júrgizilip, jol serikteri nusqaýlyqtan ótkizilip, kórneki jadynamalar taratyldy, túsindirme jumystary barysynda poıyz meıramhanasyna asa kóńil bólinip, aspaz jáne daıashylarǵa tamaq pisirý kezinde qýatty kóp qajet etetin jáne gaz balonmen paıdalanylatyn tamaq pisirý plıtalaryn qoldanbaý jóninde dáris ótkizildi.
Tótenshe jaǵdaılar bóliminiń bastyǵy A. Qulmanov bastapqy órt sóndirý quraldaryn durys qoldaný erejelerin túsindirdi. Is-shara sońynda poıyz qyzmetkerlerine sıtýasııalyq suraqtar qoıylyp, olardyń órt qaýipsizdigi boıynsha biliktiligi tekserildi.
