Is-sharaǵa oblystyq sottyń alqa tóraǵalary, sýdıalar, Mańǵystaý oblystyq advokattar alqasy tóralqasynyń tóraǵasy Rashıd Sáýlebaev jáne advokattar, quqyq qorǵaý organdarynyń ókilderi qatysty.
Is-sharany oblystyq sottyń azamattyq ister jónindegi sot alqasynyń tóraǵasy Nursapa Prımashev ashyp, elimizde azamattar Qazaqstan Respýblıkasy Konstıtýsııasy jáne zańdaryna sáıkes belgilengen erejelerge saı azamattyq, ákimshilik jáne qylmystyq prosess barysynda zańdy kómek alýǵa quqyly ekendigine toqtaldy. Sondaı-aq ol óńir sottarynda arnaıy advokattar kabınetiniń ashylǵanyn atap ótti.
Dóńgelek ústel barysynda advokattyń qylmystyq ister men materıaldarǵa qatysýy, qylmystyq prosesste taraptardyń qarama-qaıshylyqty jáne teń quqyqtaryn qamtamasyz etýi, azamattyq sot isin júrgizýde memleket kepildik bergen zań kómegin kórsetý úshin advokat taǵaıyndaýmen baılanysty problemalyq máseleler, basty sot talqylaýyndaǵy prokýrordyń is júrgizý mártebesi men aspektileri talqyǵa salyndy.
Aqtaý qalalyq sotynyń sýdıasy Maret Kovraeva sotqa qylmystyq is túsken boıda qorǵaýshy taǵaıyndaý týraly qaýly shyǵarylyp, advokattarǵa aldyn ala joldanatynyn tilge tıek etti.
- Sot qarastyrǵan qylmystyq is boıynsha qorǵaý men ókildik etýge baılanysty shyǵystardy óteý jáne sottalýshyǵa, sottalǵanǵa, aqtalýshyǵa nemese jábirlenýshige zań kómegin kórsetý boıynsha aqy tóleý týraly qaýly advokattyń ótinishi negizinde shyǵarylady, dedi Maret Kovraeva.
Is-shara sońynda qorǵaýshylar ár isti sapaly qaraýǵa bir aýyzdan atsalysatyndyqtaryn jetkizdi.
