Konferensııa aıasynda «YU Parasattylyq mektebi» ashyldy.
Konferensııa barysynda «Mańǵystaý – adaldyq alańy» jobalyq keńsesiniń basshysy Daırabaı Úsipbaev «Adal urpaq – jarqyn bolashaq» taqyrybynda baıandama jasady. Al qoǵamdaǵy parasattylyq mádenıet deńgeıin qalyptastyrý joldary týraly Prezıdent janyndaǵy Memlekettik basqarý akademııasynyń Mańǵystaý oblysy boıynsha fılıalynyń dırektory Aıgúl Demeýova áńgimelep berdi.
Sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń aldyn alý jáne parasattylyq basqarmasynyń bas mamany Nurgúl Muqataı Agenttiktegi jańa qurylymdyq bólimsheler týraly, olardyń mıssııasy, jalpy parasattylyq uǵymy týraly slaıd qoldana otyryp, keńinen túsindirdi. «Qorǵaý» ortalyǵynyń zańgeri Musa Nurjanov Mańǵystaý oblystyq Azamattyq alıans ZTB ókili Lázzat Almaganbetova, osy ýnıversıtettiń stýdenti Aıdynaı Ýteshovalar quqyqtyq saýattylyq týraly, qoǵamdaǵy sybaılas jemqorlyqqa qarsy sana sezimdi qalyptastyrýdyń tıimdi joldary, jalpy parasattylyq uǵymynyń keń kólemdegi mán-maǵynasy týraly baıandady.
Ýnıversıtettiń «Quqyqtaný» kafedrasynyń meńgerýshisi Baǵdat Aýeshova ýnıversıtette ashylǵan «Parasattylyq mektebi», onyń quramy, jetekshileri men oryndaýshylary, jalpy aıtqanda negizgi maqsaty men mindetteri týraly tarqata áńgimelep, ázirlengen josparymen tanystyrdy.
Jaryssóz kezinde Mańǵystaý oblysynyń zań konsýltanttar palatasynyń tóraǵasy Igor Mashınskıı ǵylyı konferensııaǵa qatysýshylardyń baıandamalary tartymdy bolǵanyn atap ótip, óz tarapynan jas býynmen bir arnada bolý úshin áleýmettik jelilerdi keńinen qoldanýdy usyndy.
