Dástúrli konkýrsqa elimizdiń ǵylymı uıymdary men joǵary oqý oryndaryndaǵy jas ǵalymdar keńesteri qatysqan.
«Konkýrstyq komıssııa jeńimpazdy anyqtaý barysynda uıymnyń belsendiligi men jumys nátıjeliligi, Keńestiń júzege asyratyn sharalarynyń ereksheligi men mańyzdylyǵy syndy krıterıılerge súıengen. Komıssııa sheshimi boıynsha Qyzdar ýnıversıtetiniń jas ǵalymdar keńesi barlyq talaptar boıynsha joǵary nátıje kórsetip, «júzden – júırik, myńnan – tulpar shyqty», – dep atap ótti ýnıversıtettiń baspasóz qyzmetiniń jetekshisi Jandar Asan.
Jeńimpaz uıym arnaıy dıplommen jáne óz qyzmetin qoldaý men damytýǵa arnalǵan grantpen marapattalady. Marapattaý rásimi 7 qarasha kúni Taraz qalasyndaǵy M.H. Dýlatı atyndaǵy Taraz memlekettik ýnıversıtetinde ótetin «Qazirgi Qazaqstandaǵy ınnovasııalyq damý jáne ǵylymnyń qajettiligi» atty Halyqaralyq ǵylymı konferensııada ótpek.
«Konkýrs jas ǵalymdar keńesiniń qyzmetin damytýǵa septigin tıgizedi. Baıqaýdyń maqsaty – jas ǵalymdardyń bastamalaryn qoldaý, sondaı-aq olardyń ǵylymı bastamalary men jobalaryn júzege asyrýǵa kómek kórsetý», – deıdi Qazaqstan Respýblıkasynyń Tuńǵysh Prezıdenti – Elbasy Qorynyń ókilderi.
Osy oraıda aıta keteıik, Móldir Abdraımova jetekshilik etetin ýnıversıtettiń jas ǵalymdar keńesi stýdentter men jas izdenýshilerdiń irgeli jáne qoldanbaly zertteýlerine qoldaý kórsetip, oqý ornynyń ǵylymı áleýeteniń artýyna serpin berip keledi.
ALMATY
