- Mańǵystaý oblysy Polısııa departamentinde «Esirtkimen kúres» shartty ataýymen Whats App messendjerine qosylǵan senim telefony bar. Oǵan esirtki saýdasymen baılanysty zańsyz áreketter, qylmystar týraly jáne ǵalamtor saıttary, graffıtı jazbalar nemese esirtki zattaryn saqtaý jáne satý týraly aqparttary bar kez kelgen adam júgine alady,- dedi Mańǵystaý oblysy Polısııa departamenti bastyǵynyń orynbasary, polısııa podpolkovnıgi A.Qalıev.
Mamandardyń aıtýynsha, oblys kóleminde tárkilenetin esirtki zattary kóbinese tabıǵı jolmen shyqqan bolyp tabylady (geroın, gashısh, opıı, marıhýana). Sonymen qatar, osy jyly QR QK-niń 297 baby boıynsha júrgizilip jatqan qylmystyq is sheńberinde sıntetıkalyq N.N-dıetılpentılona esirtki zaty, 0,78 gramm salmaqpen tárkilengen. Qazirgi tańda sıntetıkalyq esirtki zattaryn aınalymǵa shyǵarǵan tulǵalardy anyqtaý jáne ustaý boıynsha arnaıy is-sharalar júrgizilýde.
Oblys ortalyǵy Aqtaý qalasynda 2019 jyldyń 10 aı ishinde 74 adam tolyq qalpyna keltirý kýrsynan óttizilgen. Qazirgi ýaqytta respýblıkalyq ortalyqtarǵa joldaýǵa 2 adamnyń qujattary daıyndalýda. Oblystyq psıhıkalyq densaýlyq ortalyǵynda 2019 jyldyń 1 qarashaǵa esepte 1 155 adam, onyń ishinde profılaktıkalyq esepte 488 adam turǵan bolsa, olardyń 13-i áıel adam, 2-i jasóspirim. Dıspanserlik esepte turǵan 667 adamdar arasynda 46 áıel adam, 1 jasóspirim bar.
Mańǵystaý oblysy
