О́tken ǵasyr tarıhynan syr shertetin kórmede ismer sheberler men ónerli ustalardyń qolynan shyqqan qursaýly kese, shyny aıaqqap, kúmisten soǵylǵan zergerlik buıymdarǵa, aıbalta, shoqpar sııaqty qarý-jaraqtarǵa, úsh ishekti dombyra, asataıaq, daýylpaz sııaqty qazaq eliniń mýzykalyq murasyn álemge tanytqan aspaptarǵa, súıekpen áshekeılengen sandyq, kirshombal, tumarsha, boıtumar, toǵyzqumalaq jáne taǵy basqa turmystyq zattarǵa oryn berilgen.
Uly aqyn Abaı Qunanbaıulynyń 1885 jyly N.I.Dolgopolov arqyly tarıhı-ólketaný mýzeıine ótkizgen tarıhı jádigerleri, Abaıdyń inisi ári shákirti Shákárim Qudaıberdiulynyń úlgisindegi kımeshek jáne oıý-órnek, odan bólek Abaıdyń aınalasyna qatysty jáne etnografııalyq mańyzǵa ıe jádigerler jınaqtalǵan túrde alǵash ret kópshilik nazaryna usynylyp otyr.
Atalǵan kórmeniń ashylýyna qatysqan qalamyzdaǵy zııaly qaýym ókilderi men mádenıet jáne óner oshaqtarynyń qyzmetkerleri, stýdentter men oqýshylar, ádebıet pen ónerge qyzyǵýshylyq tanytqan Jasóspirimder qalalyq Mádenıet saraıynyń ánshisi B.Slámqulovtyń oryndaýyndaǵy Abaıdyń «Kózimniń qarasy» ánin tyńdap, shejireshi aqsaqaldardyń rýhanı-tanymdyq áńgimesine qulaq túrdi.
Qýat QIYQBAI,
Abaıdyń «Jıdebaı-Bórili» qoryq-mýzeıiniń aǵa ǵylymı qyzmetkeri
