B.Baımurzanyń aıtýynsha, esepti kezeńde Agenttiktiń alǵa qoıǵan mindetterin basshylyqqa ala otyryp, Departament tergeý baǵyty boıynsha aıtarlyqtaı nátıjelerge qol jetkizgen. Ol sybaılas jemqorlyq faktileriniń jolyn kesý boıynsha jumystyń tıimdiligi 2 esege artyp, para alý men bıýdjet qarajatyn urlaý sııaqty sybaılas jemqorlyq shemalary oryn alyp, Departamentpen 6 derek anyqtalyn, olar boıynsha belgilengen jáne ótelgen shyǵyn 1,2 mlrd teńgeni quraǵanyn aıtyp ótti.
Mysaly, avtojol salasynda oblystyń kvazımemlekettik sektordyń eki basshysy ıaǵnı «KazAvtoJol» UK AQ Mańǵystaý oblystyq fılıalynyń dırektory jáne onyń orynbasary uıymdastylǵan qylmystyq shemanyń joly kesildi. Atap aıtqanda, oryndalmaǵan aktilerge qol qoıý jáne sharttyq mindettemelerdi buzǵany úshin ákimshilik jaýapkershilikke tartpaý, memlekettik satyp alýdy júzege asyrý kezinde ónim berýshiniń múddesin qoldaý, sondaı – aq avtojol qurylysyna bólingen bıýdjet qarajatyn jymqyrý derekteri paraqorlyqtyń negizi bolyp tabyldy.
Qazirgi tańda júrgizilgen taldaý nátıjesimen sybaılas jemqorlyqqa beıim salalardy anyqtaý jumystary júrgizilip keledi. Júrgizilgen taldaý nátıjesinde jer qatynastary, densaýlyq saqtaý, qurylys jáne aýyl sharýashylyǵy salalary boıynsha qylmys joldary kesildi, dedi ol.
Sondaı-aq azamattardyń senim deńgeıin arttyrý men sybaılasjemqorlyqqa qarsy kúreske járdemdesý aıasynda Departamentpen 9 adamǵa 1 mln 416,4 myń teńge kóleminde syıaqy berilgen.
