- Ekonomıkalyq belsendi turǵyndar sany 27882 adam, aýdan halqynyń 26687-i jumyspen qamtylǵan, 1195-i jumyssyz. Jyl basynan beri aýdanǵa 299 adamy bar 63 otbasy kóship keldi. Olardyń 34-i turaqty jumysqa ornalastyrylyp, 27-si aqyly qoǵamdyq jumysqa tartyldy, - dedi aýdan ákimi.
Barlyq kózderdi qosa eseptegende áleýmettik qorǵaý isine 4,9 mlrd teńge jumsalǵan. Bul ótken jylmen salystyrǵanda 812 mln teńgege nemese 24,7% kóp. Bul qarjynyń 4,5 mlrd teńgesi respýblıkalyq bıýdjet esebinen, 402 mln teńgesi aýdandyq bıýdjetten berilgen.
Aýdan basshysynyń aıtýynsha, jańadan 2715 jumys orny ashyldy, onyń 69,4% nemese 1885-i turaqty jumys orny. Jumyspen qamtý uıymdary arqyly 1048 adam turaqty jumysqa ornalastyryldy. Áleýmettik qoldaýdy qajet etetin otbasynyń 934 balasy tegin tamaqtandyrylady.
Bilim berý salasyna 7,4 mlrd teńge bólingen. Bir oqýshyǵa shaqqanda 414 myń teńgeden. 3-6 jas aralyǵyndaǵy balalardy mektepaldy daıyndyqpen qamtý kórsetkishi 98,1% jetken. Opornyı orta mektebinde múmkindigi shekteýli balalarǵa quny 2 475 myń teńge quraıtyn sensorlyq kabınet jabdyqtalǵan.
Mańǵystaý oblysy
