- Tek birinshi jarty jyldyqta oblystyń sybaılas jemqorlyqqa qarsy qyzmeti ártúrli qurylymdar ókilderiniń qatysýymen 123 qylmys tirkeldi, olardyń 62-i tergeýmen aıaqtaldy, sotqa 47 is jiberildi,13 adam sottaldy. Eń kóp qylmys jer qatynastary salasynda 58, densaýlyq saqtaý salasynda 12, qurylys salasynda 5 is tirkelgen, dedi Janna Shyrtanova.
Sharalar barysynda sybaılas jemqorlyqqa qarsy zańnama talaptary, jalpy jaýapkershilik, medısına salasynda anyqtalǵan qylmystar týraly baıandaldy.
QR Prezıdentiniń 2019 jylǵy 13 maýsymdaǵy №12 jarlyǵy negizindegi ózgerister, Agenttiktegi jańa qurylymdar, Parasattylyq departamentiniń mıssııasy týraly túsinik berildi.
Semınar barysynda jınalǵandar oılaryn ortaǵa salyp, dárigerler tarapynan ashyqtyq pen tazalyq bolǵan jerde ǵana jemqorlyq qaterleri bolmaıtyny jóninde áńgimeledi.
J.Shyrtanovanyń aıtýynsha, medısına qyzmetkerleri tarapynan quqyqqa qarsy áreketter anyqtalǵan jaǵdaıda, azamattar sybaılas jemqorlyqqa qarsy qyzmetke táýlik boıy jumys isteıtin senim telefony arqyly habarlasa alady. Qazaqstan boıynsha qońyraý shalý tegin, anonımdik saqtalady.
Mańǵystaý oblysy
