Aıtýly júlde osy sport túriniń damýyna aıryqshy úles qosqan jasy 29-dan asqan fýtbolshyǵa tabys etiledi. Bıylǵy jyly bul syılyq Horvatııanyń shoq juldyzy Lýka Modrıchke tabys etildi. 34 jastaǵy jartylaı qorǵaýshy 2018 jyly óz eliniń ulttyq qurama komandasymen birge álem chempıonatynyń kúmis júldegeri atansa, Madrıdtiń «Realy» sapynda Chempıondar lıgasyn tórt ret utty. Byltyr Modrıch dúnıejúzilik dop dodasynyń eń úzdik oıynshysy jáne «Altyn doptyń» ıegeri atandy. Horvat fýtbolshysynyń odan da basqa tolyp jatqan ataqtary taǵy bar.
Kúni keshe ǵana ótken konkýrsta Lýka Modrıch nebir sańlaqtarǵa shap qaptyryp ketti. Olardyń qatarynda Lıonel Messı («Barselona»), Krıshtıaný Ronaldý («Iýventýs»), Tıago Sılva (PSJ), Robert Levandovskı («Bavarııa»), Jerar Pıke («Barselona»), Serhıo Ramos («Real» Madrıd), Ýeın Rýnı («Dı Sı Iýnaıted»), Serhıo Agýero («Manchester Sıtı») jáne Djordjo Kellını («Iýventýs») syndy myqtylar bar.
