Aımaqtar • 13 Qarasha, 2019

Arys qalasynda 100 otbasy baspanaly boldy

73 ret kórsetildi

Arys qalasynda qaıyrymdylyq qordyń esebinen boı kótergen «Balameken» shaǵyn aýdanynan 100 otbasy jańa baspanaǵa ıe boldy.

Qoldanysqa berilgen eki otbasyna laıyqtalǵan «dýpleks» tıpti 50 úı tolyq aıaqtalǵan, ári as úı jıhazy men turmystyq tehnıkamen jabdyqtalǵan. Ár úıdiń aýlasynda 10 sottyq jer telimi bar. Qalalyq ınfraqurylymǵa qosylǵan jańa shaǵyn aýdanda tas jol tóselip, aıaq joldar salynǵan. Balalardyń oıyn alańy ornatylyp, aǵashtar otyrǵyzylǵan. Túrkistan oblysy  ákiminiń orynbasary Qosman Aıtmuhametov jáne Bolat О́temuratov qorynyń dırektory Marat Aıtmaǵambetov pen «Vernyı Kapıtal» kompanııalar tobynyń bas dırektory Erlan Ospanov jańa qonys ıelerine kiltterin saltanatty túrde tabys etti.

Shaǵyn aýdannyń qurylysyna qaıyrymdylyq qory 850 mln. teńge bólgen. Jańa baspanalar Arystaǵy áskerı qoımada jarylǵan oq-dárilerdiń dúleı dúmpýinen buzylǵan úı ıelerine, kópbalaly jáne áleýmettik az qamtylǵan otbasylarǵa, turǵyn úıge muqtaj múgedek jandar men jalǵyz basty analarǵa berildi.

 

 

Túrkistan oblysy

Sońǵy jańalyqtar

Uqsas jańalyqtar