Parasattylyq – basty nazarda

Álemdik damýshy elderdiń tájirıbesine súıenetin bolsaq, sybaılas jemqorlyqpen kúre­sýde birinshi adam boıynda kez­desetin parasattylyq, ádil­dik, adaldyq sekildi qasıetterin damytý men birge turmystyq ortada qoldana otyryp, adamnyń júris-turys qasıetiniń basty áre­ketine aınalý qaǵıdatyn ustanady.

Ál-Farabı óz sózinde «Ba­qyttyń máni – parasattylyqta, árkimniń óz aldyna ıgilikti maq­sat qoıa bilýinde, ol maq­sat­pen kezdeısoq raqat úshin emes, adam­nyń óz minez-qulqyn, is-áreketin erikti túrde ózgertip, iz­gilikke baǵyttap otyrýynda» dep parasattylyq qasıetiniń ma­ǵynasyn ashyp aıtqan bolatyn.

Parasattylyq sana sezimi qa­zirgi tańdaǵy óskeleń urpaqpen birge barlyq adamzattyń boıyn­da mindetti qoldanylatyn qa­sıet­terdiń biri bolýy kerek.

Qazirgi tańda «Mańǵystaý – adaldyq alańy» jobasynyń aıasynda oblysymyzdyń aýdan, qala jáne aýyldyq okrýgteriniń turǵyndaryna parasattylyq taqyrybynda dárister ótkizildi. Atalǵan sharaǵa óńirdiń aýdan jáne aýyl ákimderiniń belsene atsalysqandyǵyn aıta ketý qajet.

Sonymen qosa, óskeleń ur­paqtyń boıynda sy­baılas jemqorlyqqa nóldik tóz­beý­shilik, adaldyq, ádildik, para­sat­tylyq já­ne otansúıgishtik sııaq­ty qundy­lyq­tardy qa­lyp­­tastyrý maq­satynda Mań­ǵystaý oblysynyń bilim berý mekemelerinde «1 qyr­kúıek – Bilim kúni» mere­kesine oraı «Adaldyq saǵaty» sharasy ót­kizildi. Jalpy, is-sha­rada ob­lystyń 139 orta bilim berý mek­tebi, 25 kolledji jáne 2 jo­ǵary oqý orny qamtyldy.

Joǵaryda atalǵan qasıet­terdiń barlyǵy adam boıyndaǵy mádenıettilik qasıettermen ush­tasyp keledi. Osy turǵyda ob­lys aıasynda sybaılas jem­qorlyqqa qarsy mádenıet qa­lyptastyrý maqsatynda túrli maqsatty toptarmen kezdesýler ótkiziledi. Jastardyń sybaılas jemqorlyqqa qarsy kózqarasyn qalyptastyrý jáne adaldyq qaǵıdatyn engizý maqsatynda stýdentter men oqýshylardyń qatysýymen debattyq saıystar, «Para berme» chellendji, «Izgilik elshisi» volonterlik qozǵalysy, forýmdar jáne tárbıelik sa­baq­tar uıymdastyrylyp tu­rady. Onyń ústine Elba­sy­myz 2018 jylǵy 5 qazan­daǵy Jol­daýynda elimizdiń ósip-órken­deýinde jas­tar­dyń alatyn orny erekshe eke­nin eskere kele, osy jyldy Jas­tar jyly dep jarııalaǵan bo­latyn. Demek, jastarǵa senim artyp, olardyń teris jolǵa tús­pe­ýin qadaǵalaý – bizdiń min­detimiz.

Úıde ata-ana, oqýda ustaz, al qoǵamda jalpy azamattar pa­ra­sattylyq, adaldyq jáne ádil­dik qasıetterin dáripteýge tıispiz.

Bolat JYLQYBAEV,

Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Mańǵystaý oblysy boıynsha departamentiniń basshysy

Mańǵystaý oblysy