Foto: Ashyq derekkóz
Vedomstvo málimetinshe, dárilik zattardyń aınalymy 2024 jylǵy 1 shildeden bastap tańbalaý júıesi arqyly taldanǵan. Monıtorıng nátıjesinde el aýmaǵyndaǵy dárihanalarda tegin medısınalyq kómektiń kepildik berilgen kólemi (TMKKK) sheńberinde beriletin 4114 dáriniń satylǵany anyqtaldy.
Mınıstrlik 74 nysanǵa jospardan tys tekseris júrgizdi. Sonyń nátıjesinde 31 uıymǵa 12,3 mln teńge kóleminde aıyppul salyndy, al 43 kompanııaǵa zańbuzýshylyqtardy joıý týraly nusqama berildi.
Dári-dármek baǵasy qymbattady ma? Mınıstrlik monıtorıng derekterin jarııalady
Tekserý barysynda pasıentterge tegin berilgen dárilerdiń zańsyz aınalymǵa túskeni belgili boldy. Keı jaǵdaılarda medısınalyq uıymdar arqyly berilgen preparattar dárihanalarǵa qaıta ótkizilgen. Olardyń qatarynda ınfýzııaǵa arnalǵan natrıı hlorıdi men glıýkoza eritindileri, antıbıotıkter, sozylmaly aýrýlardy emdeýge arnalǵan dáriler bar.
«Sıfrlyq ekonomıkany damytý ortalyǵynyń málimetine sáıkes, tańbalaý kodtaryn paıdalaný barysynda júıeli buzýshylyqtar tirkeldi: 35 537 ret qaıta aınalymǵa shyǵarý faktisi, 480 752 jaǵdaıda bir kodtyń birneshe qatysýshy tarapynan qoldanylýy anyqtalǵan. Sondaı-aq 1140 nysan 15 614 kodty qaıta aınalymnan shyǵarǵany belgili boldy», delingen habarlamada.
