Qazaqstan Respýblıkasy Syrtqy ister mınıstrliginiń buıryǵy №08-1-1-1/114

Sársenbi, 19 maýsym 2013 0:52

2013 jylǵy 9 sáýir Astana qalasy

Qazaqstan Respýblıkasynyń aýmaǵynan tys jerlerge ýákiletti adamdardy issaparǵa jiberý maqsatynda «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheligi boıynsha respýblıkalyq bıýdjette kózdelgen qarajatty paıdalaný qaǵıdalaryn bekitý týraly

Sársenbi, 19 maýsym 2013 0:52

2013 jylǵy 9 sáýir Astana qalasy

Qazaqstan Respýblıkasynyń aýmaǵynan tys jerlerge ýákiletti adamdardy issaparǵa jiberý maqsatynda «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheligi boıynsha respýblıkalyq bıýdjette kózdelgen qarajatty paıdalaný qaǵıdalaryn bekitý týraly

Qazaqstan Respýblıkasy Úkimetiniń 2004 jylǵy 28 qazandaǵy № 1118 qaýlysymen bekitilgen Qazaqstan Respýblıkasy Syrtqy ister mınıstrligi týraly Erejeniń 16-tarmaǵy 48) tarmaqshasyna sáıkes buıyramyn:

1. Qosa berilip otyrǵan Qazaqstan Respýblıkasynyń aýmaǵynan tys jerlerge ýákiletti adamdardy issaparǵa jiberý maqsatynda «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheligi boıynsha respýblıkalyq bıýdjette kózdelgen qarajatty paıdalaný qaǵıdalary bekitilsin.

2. Valıýta-qarjy departamenti osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkeýdi jáne ony Qazaqstan Respýblıkasy Syrtqy ister mınıstrliginiń ınternet-resýrsynda ornalastyrýdy qamtamasyz etsin.

3. Osy buıryq Qazaqstan Respýblıkasy Ádilet mınıstrliginen memlekettik tirkelgen kúnnen bastap qoldanysqa engiziledi.

Qazaqstan Respýblıkasynyń Syrtqy ister mınıstri                  E.Ydyrysov.

Qazaqstan Respýblıkasy Syrtqy ister mınıstriniń 2013 jylǵy 9 sáýir №08-1-1-1/114 buıryǵymen bekitildi

Qazaqstan Respýblıkasynyń aýmaǵynan tys jerlerge ýákiletti adamdardy issaparǵa jiberý maqsatynda respýblıkalyq bıýdjette «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheligi boıynsha kózdelgen qarajatty
paıdalaný qaǵıdalary

1. Jalpy erejeler

1. Osy Qazaqstan Respýblıkasynyń aýmaǵynan tys jerlerge ýákiletti adamdardy issaparǵa jiberý maqsatynda respýblıkalyq bıýdjette «Sheteldik issaparlar» baǵdarlamasy jáne «Syrtqy saıa­sı qyzmetterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheligi boıynsha kózdelgen qarajatty paıdalaný qaǵıdalary (budan ári – Qaǵıdalar)respýblıkalyq bıýdjette «Sheteldik issaparlar» baǵdarlamasy jáne «Syrtqy saıası áreketterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheligi boıynsha osy Qaǵıdalardyń 2-tarmaǵynda kórsetilgen shet elge jiberiletin adamdardy issaparǵa jiberý úshin kózdelgen qarajatty paıdalaný tártibin belgileıdi.

2. Qazaqstan Respýblıkasy Syrtqy ister mınıstrligi (budan ári – Syrtqy ister mınıstrligi):

1) «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarlamalarynyń 162 ereksheliginiń ákimshisi retinde mynadaı adamdardy shetelge issaparǵa jiberýge baılanysty shyǵystardy (budan ári – issapar shyǵysy) tóleýge arnalǵan qarajatty paıdalaný týraly sheshimder qabyldaıdy:

respýblıkalyq bıýdjet esebinen ustalatyn laýazymdy adamdar (budan ári – laýazymdy adamdar);

Qazaqstan Respýblıkasy Prezıdentiniń jubaıy;

Halyqaralyq Eńbek Uıymy Bas konferensııasynyń jyl saıynǵy sessııalaryna qatysatyn Qazaqstan Respýblıkasynyń delegasııalary;

2) «Memlekettik shekarany delımıtasııalaý jáne demarkasııalaý» bıýdjettik baǵdarlamasynyń 162 ereksheliginiń ákimshisi retinde mynadaı adamdardyń shetelge issaparǵa jiberilýine baılanysty shyǵystardy tóleýge arnalǵan qarajatty paıdalaný týraly sheshimder qabyldaıdy:

laýazymdy adamdar;

quramy Qazaqstan Respýblıkasynyń Úkimetimen bekitiletin Qazaqstan Respýblıkasynyń Memlekettik shekarasyn Qyrǵyz Respýblıkasymen, Reseı Federasııasymen, Túrikmenstanmen jáne О́zbekstan Respýblıkasymen demarkasııalaý jónindegi birlesken komıssııalardaǵy úkimettik delegasııa músheleri (budan ári – Memlekettik shekarany demarkasııalaý jónindegi úkimettik delegasııa);

jergilikti bıýdjetten ustalatyn memlekettik organdardyń qyzmetkerleri, Syrtqy ister mınıstrligimen anyqtalatyn Memlekettik shekarany delımıtasııalaý jáne demarkasııalaý salasyndaǵy mamandar men sarapshylar.

2. Issapar shyǵystaryn tóleýge bólinetin respýblıkalyq bıýdjet
qarajatyn paıdalaný tártibi

3. Syrtqy ister mınıstrligi respýblıkalyq bıýdjette kezekti qarjy jylyna «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter», «Memlekettik shekarany delımıtasııalaý jáne demarkasııalaý» jáne «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» baǵdarla­malarynyń 162 ereksheligi boıynsha kózdelgen qarajatty paıdalanady.

4. Kassalyq operasııalardy júrgizý memlekettik mekemeniń kassasynda qolma-qol aqsha qaldyǵynyń kúndelikti lımıtin jáne kassada qolma-qol aqshanyń saqtalý merzimin belgileıtin normalardy qospaǵanda, Qazaqstan Respýblıkasy Qarjy mınıstri mindetin atqarýshynyń 2009 jylǵy 6 tamyzdaǵy № 331 buıryǵymen bekitilgen  Kassalyq operasııalar júrgizý, memlekettik mekemelerdiń kassalaryndaǵy jáne kart-shottaryndaǵy qolma-qol aqsha qaldyǵynyń lımıtin anyqtaý erejesine (2009 jyly 28 tamyzda Qazaqstan Respýblıkasynyń Normatıvtik quqyqtyq aktilerdi memlekettik tirkeýdiń tizilimine № 5760 tirkelgen),  Qazaqstan Respýblıkasy Qarjy mınıstriniń 2011 jylǵy 22 tamyzdaǵy № 423 buıryǵymen bekitilgen Memlekettik mekemelerde túgendeý júrgizý qaǵıdasyna (2011 jyly 22 qyrkúıekte Qazaqstan Respýblıkasynyń Normatıvtik quqyqtyq aktilerdi memlekettik tirkeýdiń tizilimine № 7197 tirkelgen) jáne Qazaqstan Respýblıkasy Qarjy mınıstri mindetin atqarýshynyń 2011 jylǵy 2 tamyzdaǵy № 390 buıryǵymen bekitilgen Memlekettik mekemeler úshin býhgalterlik qujattama nysandarynyń albomyna (2011 jyly 15 tamyzda Qazaqstan Respýblıkasy­nyń Normatıvtik quqyqtyq aktilerdi memlekettik tirkeýdiń tizilimine № 7126 tirkelgen) sáıkes júzege asyrylady.

5. Bólingen qarajatty aıyrbastaýdy qamtamasyz etý úshin Syrtqy ister mınıstrligi Astana qalasynyń Qazynashylyq departamentinde sheteldik valıýtada esepshottar (qolma-qol eseptesýge arnalǵan) ashady.

6. Astana qalasynyń Qazynashylyq departamenti Qazaqstan Respýblıkasy Ulttyq Bankiniń Astana qalasyndaǵy Ortalyq fılıalynda bıýdjet qarajatyn AQSh dollaryna, sondaı-aq, eýroǵa aıyrbastaýdy júrgizedi jáne olardy osy Qaǵıdalardyń 5-tarmaǵynda kórsetilgen sheteldik valıýtadaǵy esepshottarǵa aýdarady.

7. Syrtqy ister mınıstrligi tıisti aıdyń josparly maqsattaryna balamaly somada kelesi kúntizbelik aıǵa qolma-qol sheteldik valıýtany alýǵa arnalǵan ótinishti Astana qalasynyń Qazynashylyq departamentine ár aıdyń onynshy kúnine deıin joldaıdy.

3. Issapar shyǵystaryn tóleýge arnalǵan qarajatty bólý tártibi

8. Syrtqy ister mınıstrligine «Sheteldik issaparlar» baǵdarlamasy jáne «Syrtqy saıası qyzmetterdi úılestirý jónindegi qyzmetter» men «Sheteldegi dıplomatııalyq ókildikterdiń arnaıy, ınjenerlik-tehnıkalyq jáne naqty qorǵalýyn qamtamasyz etý» bıýdjettik baǵdarlamalarynyń 162 ereksheligi boıynsha issapar shyǵystaryn tóleýge:

1) memlekettik organdardyń Syrtqy ister mınıstrligine bergen jazbasha ótinishi negizinde laýazymdy adamdarǵa, Qazaqstan Respýblıkasy Prezıdentiniń jubaıyna, Halyqaralyq Eńbek Uıymy Bas konferensııasynyń jyl saıynǵy sessııalaryna qatysatyn Qazaqstan Respýblıkasy delegasııalarynyń múshelerine;

2) issaparǵa jiberý týraly qabyldanǵan sheshim negizinde Qazaqstan Respýblıkasynyń dıplomatııalyq qyzmetiniń qyzmetkerlerine qarajat bólý júzege asyrylady.

9. «Memlekettik shekarany delımıtasııalaý jáne demarkasııalaý» baǵdarlamasynyń 162 ereksheligi boıynsha issapar shyǵystaryn tóleýge arnalǵan qarajatty bólý Memlekettik shekarany demarkasııalaý jónindegi birlesken komıssııalardaǵy úkimettik delegasııalardyń basshylarymen nemese olardyń orynbasarlarymen bekitilgen Jospar-kestege, sondaı-aq, dıplomatııalyq arnalar arqyly kontráriptestermen jasalǵan ýaǵdalastyqtarǵa sáıkes júzege asyrylady.

10. Qazaqstan Respýblıkasy Úkimetiniń músheleri basqaratyn Qazaqstan Respýblıkasynyń delegasııasy shetelge jol júrgen kezde, arnaıy reısterdi oryndaý qyzmetteri úshin Syrtqy ister mınıstrligimen arnaıy reısterdi oryndaıtyn avıatasymaldaýshymen qol qoıylǵan kórsetilgen qyzmetter aktisi negizinde avıatasymaldaýshynyń esep aıyrysý shotyna qarajatty aýdarý arqyly arnaıy reısterdi oryndaý qyzmetteri tólenedi.

11. Memlekettik organ tıisti is-sharany ótkizýge deıin keminde on bes jumys kúni buryn ne anaǵurlym kesh merzimde, biraq úsh jumys kúninen keshiktirmeı tıisti memlekettik organ men Syrtqy ister mınıstrliginiń basshylary arasyndaǵy kelisim boıynsha Syrtqy ister mınıstrligine ótinish beredi.

Memlekettik organnyń Syrtqy ister mınıstrliginiń atyna usynǵan ótinishinde sheteldik issapardyń maqsaty, merzimi men issaparǵa jiberiletin adamdar týraly málimetter bolýy tıis.

Issaparǵa jiberý merzimderi issaparǵa jiberiletin adamdy:

oqýǵa, biliktiligin arttyrýǵa nemese qaıta daıarlyqqa;

saılaýdyń uzaq merzimdi baqylaýshysy retinde jiberýdi qospaǵanda, kúntizbelik 40 kúnnen aspaýy tıis (joldaǵy kúnderin eseptemegende).

Issapar barysynda fors-majorlyq jaǵdaılar paıda bolǵan kezde, memlekettik organnyń negizdemesimen jáne rastaıtyn qujattary qosa berilgen jazbasha ótinishi negizinde issapar merzimi kútizbelik 40 kúnnen astam ýaqytqa uzartylady.

12. Syrtqy ister mınıstrligi issapar shyǵystaryn tóleýge arnalǵan qarajatty bólý týraly kelip túsken ótinishti:

1) bıýdjettik baǵdarlamalar sheńberinde tıisti memlekettik organ qatysatyn aǵymdaǵy jyly josparlanǵan is-sharalardy;

2) aǵymdaǵy jylǵa arnalǵan respýblıkalyq bıýdjette kózdelgen bıýdjet qarajatynyń kólemin;

3) memlekettik organ usynatyn is-sharaǵa qatysýdyń syrtqy saıası oryndylyǵyn eskere otyryp qarastyrady.

О́tinishti qaraýdyń qorytyndylary boıynsha Syrtqy ister mınıstrligi bes jumys kúni ishinde issapar shyǵystaryn tóleýge qarajat bólý týraly sheshim qabyldaıdy.

Osy Qaǵıdalardyń 2-tarmaǵynda kórsetilgen adamdarǵa issapar shyǵyndaryna arnalǵan qarajattardy berý issaparǵa jiberiletin adamdy resimdeý kúni Syrtqy ister mınıstrliginiń kassasynda júrgiziledi.

13. Josparlanǵan is-shara bastalǵanǵa deıin issapar shyǵystaryn bólý týraly sheshim qabyldanbaǵan jaǵdaıda, Syrtqy ister mınıstrligi memlekettik organnan jazbasha ótinishi túsken kúnnen bastap bes jumys kúni ishinde issapar shyǵystaryn óteý týraly sheshim qabyldaıdy.

14. Qarajat bólý týraly qabyldanǵan sheshim negizinde Syrtqy ister mınıstrligi sheteldik valıýta alý úshin Syrtqy ister mınıstrliginiń qyzmetkerine Astana qalasynyń Qazynashylyq departamentine resimdeýge arnalǵan senimhat beredi.

Senimhat bir jumys kúni merzimine beriledi, oǵan Syrtqy ister mınıstrliginiń basshysy jáne býhgalteri qol qoıady.

Astana qalasynyń Qazynashylyq departamenti Syrtqy ister mınıstrliginiń senimhatynda kórsetilgen adamǵa Qazaqstan Respýblıkasy Ulttyq Bankiniń Astana qalasyndaǵy Ortalyq fılıalynda qolma-qol sheteldik valıýtany alý úshin senimhat beredi.

Qazaqstan Respýblıkasy Ulttyq Bankiniń Astana qalasyndaǵy Ortalyq fılıaly Syrtqy ister mınıstrliginiń ýákiletti adamyna Syrtqy ister mınıstrliginiń hatynda kórsetilgen somaǵa sáıkes qolma-qol sheteldik valıýtany beredi. Syrtqy ister mınıstrliginiń haty erkin nysanda jasalady jáne qolma-qol sheteldik valıýtany alýdyń josparlanǵan kúnine deıin 2 jumys kúni buryn Qazaqstan Respýblıkasy Ulttyq Bankiniń Astana qalasyndaǵy Ortalyq fılıalyna usynylady.

Syrtqy ister mınıstrligi senimhat boıynsha alynǵan qolma-qol sheteldik valıýtany óziniń kassasynda qarjylandyrýdyń bekitilgen aılyq josparynyń sheginde saqtaıdy. Syrtqy ister mınıstrliginiń kassasyndaǵy qolma-qol sheteldik valıýtanyń kún saıynǵy lımıti aǵymdaǵy aıǵa arnalǵan qarjylandyrý josparymen kózdelgen somadan aspaýy tıis.

15. Syrtqy ister mınıstrligi issaparlar shyǵystaryn tóleýge bólingen qarajattyń maqsatty paıdalanylýyn qamtamasyz etedi.

16. Osy Qaǵıdalardyń 2-tarmaǵynda kórsetilgen adamdardy (budan ári – issaparǵa jiberilgen adam) shetelge issaparǵa jiberý kezinde Syrtqy ister mınıstrliginiń sheshimine sáıkes mynadaı issapar shyǵystaryn tóleýge:

1) issapar merzimine arnalǵan táýliktik;

2) baratyn ornyna jáne keri jol júrý jónindegi shyǵystarǵa (taksı qyzmeti tólenbeıdi);

3) turǵyn úı-jaıdy jalǵa alý jónindegi shyǵystarǵa, onyń ishinde baratyn pýnktine kirer aldynda bolatyn pýnktterde;

4) bıletti qaıtarý/aıyrbastaý aıyppulyna (issapar keıinge qaldyrylǵan nemese aýystyrylǵanda, aýyrǵanda, fors-majorlyq jaǵdaılarda);

5) valıýtany aıyrbastaǵany úshin komıssııalyq alymdarǵa;

6) túbirtekke nemese chekke sáıkes vızany resimdeý úshin konsýldyq alymdarǵa qarajat bólinedi.

Eger qabyldaýshy tarap osy tarmaqta kórsetilgen qandaı da bir issapar shyǵystaryn óziniń esebinen tóleıtin bolsa, belgilengen normalardyń 30 (otyz) paıyzy mólsherinde bólinetin táýliktikti qospaǵanda, tıisti issapar shyǵystaryn tóleýge arnalǵan qarajat bólinbeıdi.

Issapar shyǵystary «Memlekettik qyzmetkerlerge respýblıkalyq jáne jergilikti bıýdjetter qarajaty esebinen qyzmettik sheteldik issaparlarǵa arnalǵan shyǵystardy óteý týraly» Qazaqstan Respýblıkasy Úkimetiniń 2008 jylǵy 6 aqpandaǵy № 108 qaýlysymen bekitilgen normalarǵa sáıkes óteledi. Adamdardyń turý shyǵystary naqty shyǵyndar boıynsha tólenetin belgilengen normalardan asyp ketken jaǵdaıda óteý rastaıtyn qujattardy usyný arqyly júrgiziledi.

17. Osy Qaǵıdalardyń 16-tarmaǵynda kózdelmegen issapar shyǵystaryn Syrtqy ister mınıstrligi tólemeıdi.

18. Issaparǵa jiberilgen adamdar shetelge issaparǵa jol júrgen kezde Qazaqstan Respýblıkasynyń Memlekettik shekarasyn kesip ótken kún jáne Qazaqstan Respýblıkasyna qaıtqan kezde Qazaqstan Respýblıkasyna keler aldynda shet memlekettiń Memlekettik shekarasyn kesip ótken kún issapar merzimine qosylady.

Eger Qazaqstan Respýblıkasynan ushý (ketý) jol júrý qujatyna sáıkes aǵymdaǵy táýliktiń saǵat 21:00-den kesh júzege asyrylǵan jaǵdaıda, Qazaqstan Respýblıkasynyń Memlekettik shekarasyn kesip ótken kún issapar merzimine qosylmaıdy.

Issaparǵa jiberilgen adamdardyń memlekettik shekaralardy kesip ótken kúnderi ýákiletti organdardyń pasporttaǵy belgileri boıynsha aıqyndalady. Eger issaparǵa jiberilgen adamdardyń qujattaryna memlekettik shekarany kesip ótkeni týraly ýákiletti memlekettik organ belgi qoımaǵan bolsa, memlekettik shekarany kesip ótken kún issaparlyq kýáligindegi belgiler boıynsha aıqyndalady.

19. Eger issaparǵa jiberilgen adamda issapar kýáligi ne shet memleketterdiń nemese pasportta issaparǵa jiberilgen adamdar tranzıttik aımaqta bolǵan memleketterdiń ýákiletti organdarynyń belgileri bolmasa, issaparǵa jiberilgen adamdardyń árbir elde bolǵandyǵyn rastaıtyn jol júrý qujattary esepti qabyldaý úshin negiz bola alady.

20. Issaparǵa jiberilgen adamdar bir táýliktiń ishinde eki shet memlekettiń aýmaǵynda bolǵan bolsa, issapar shyǵystaryn tóleýge arnalǵan qarajat belgilengen normalar boıynsha 50 (elý) paıyz mólsherinde osy elderdiń árqaısysy úshin bólinedi.

21. Issaparǵa jiberilgen adamdar bir táýliktiń ishinde eki shet memleketten kóp aýmaqta bolatyn bolsa, issapar shyǵystaryn tóleýge arnalǵan qarajat osy táýlik ishinde sońǵy pýnkt bolyp tabylatyn el úshin belgilengen normalar boıynsha bólinedi.

22. Issapar shyǵystaryn tóleýge bólingen qarajatty úshinshi adam alǵan jaǵdaıda, zańnamada belgilengen tártippen rastalǵan senimhat usyný qajet. Senimhat memlekettik organnyń birinshi basshysy nemese ortalyq atqarýshy organnyń jaýapty hatshysy (ortalyq atqarýshy organnyń birinshi basshysy, jaýapty hatshysy ýákilettigi júktelgen laýazymdy adam nemese osy laýazymǵa ýákiletti ózge adam) jáne memlekettik organnyń bas (aǵa) býhgalteriniń qoly qoıylǵan memlekettik organnyń resmı blankisinde beriledi.

Issapar shyǵystaryn tóleýge arnalǵan qarajatty issaparǵa jiberilgen adamdarǵa bólý osy issaparǵa jiberilgen adamdardyń issapar shyǵystaryn tóleýge buryn bólingen qarajatqa tolyq esep pen ótkizilgen is-sharanyń qorytyndylary týraly esep berilgen jaǵdaıda ǵana júrgiziledi.

23. Valıýta esepteý úshin qolma-qol sheteldik valıýtany aıyrbastaǵanyn aıǵaqtaıtyn qujatta kórsetilgen aıyrbas baǵamy qoldanylady. Qolma-qol sheteldik valıýtany aıyrbastaǵanyn rastaıtyn qujaty bolmaǵan jaǵdaıda, shot-faktýrada kórsetilgen, Qazaqstan Respýblıkasynyń Ulttyq Banki sońǵy kúni belgilegen baǵam qoldanylady.

4. Eseptilik

24. Issapar merzimi aıaqtalǵannan keıin úsh jumys kúniniń ishinde issaparǵa jiberilgen adam Syrtqy ister mınıstrliginiń qarajatty bólýge jaýapty qurylymdyq bólimshesine issapar shyǵystaryn tóleýge bólingen qarajatty paıdalanǵandyǵy týraly mynadaı qujattardy qamtıtyn avanstyq esepti usynady:

1) pasporttyń kóshirmesi (2-bettiń jáne shekarany kesip ótkendigi týraly belgileri bar bettiń (terdiń) kóshirmeleri);

shekarany kesip ótkendigi týraly belgileri pasportta bolmaǵan jaǵdaıda, issaparǵa jiberilgen adamnyń jumys orny boıynsha jáne qabyldaýshy uıymnyń kadrlyq qyzmetiniń belgileri bar issapar kýáliginiń kóshirmesi usynylady;

2) jol júrý qujattary:

shot-faktýrasyn (ınvoısty) jáne fıskaldyq chekti (arnaıy reıspen jol júrgen jaǵdaıda talap etilmeıdi) mindetti túrde qosa tirkep, baratyn ornyna jáne keri qaraı jol júrý bıletteri;

vokzaldan, áýejaıdan, kemejaıdan jáne kópshilik paıdalanatyn kólikpen sońǵy pýnktige deıinge jol júrý qujattary;

áýejaılar ákimshilikteri qarastyrǵan jaǵdaıda ákimshilik alymdardy tóleý jónindegi túbirtekter;

bıletti qaıtarǵany/almastyrǵany úshin aıyppul tólegenin rastaıtyn qujattar bolǵan jaǵdaıda;

elektrondyq avıabıletti usynǵan kezde otyrǵyzý talonyn jáne avıabılettiń qunyn tólegendigin rastaıtyn qujat qosa beriledi;

jol júrý bıletterin nemese bıletti qaıtarǵany/almastyrǵany úshin aıyppul tólegendegin rastaıtyn qujattardy joǵaltqan jaǵdaıda, atalǵan qujattardy bergen uıymnyń jazbasha rastaýhaty usynylady;

tranzıttik elde 12 saǵattan artyq bolǵan jaǵdaıda avıabıletti bergen avıakompanııanyń nemese uıymnyń tranzıttik elge kelgen sátinen bastap jaqyn ýaqyttaǵy 12 saǵatqa issapardyń ári qaraı baǵyty boıynsha reıske avıabılettiń nemese reıstiń joq ekendigi týraly hat (anyqtama) usynady.

3) valıýta aıyrbastaý operasııasy kezinde alynǵan valıýta aıyrbastaýdyń baǵamy men kúni kórsetilgen qujattar.

25. Issapar shyǵystaryn tóleýge arnalyp bólingen paıdalanylmaǵan qarajattyń qaldyǵyn esep berýshi adam issapar merzimi aıaqtalǵannan keıin úsh jumys kúni ishinde Syrtqy ister mınıstrliginiń kassasyna qaıtarýy tıis.

26. Memlekettik organnyń issaparǵa jiberilgen adamnyń debıtorlyq bereshegi bolǵan jaǵdaıda (qaıtyp oralǵan sátten bastap 5 jumys kúninen astam), Syrtqy ister mınıstrligi qazirgi bar bereshegin ótegenge deıin osy memlekettik organnyń qyzmetkerlerine issapar shyǵystaryn tóleýge arnalǵan qarajatty bólýdi júzege asyrmaıdy.

Buıryq Qazaqstan Respýblıkasynyń Ádilet mınıstrliginde 2013 jylǵy 29 sáýir Normatıvtik quqyqtyq kelisimderdi memlekettik tirkeýdiń tizilimine №8438 bolyp engizildi.