Aımaqta alǵash ret ótip otyrǵan halyqaralyq oqytý is-sharasyn Amsterdam jahandyq densaýlyq saqtaý jáne damý ınstıtýty (AIGHD), QR Densaýlyq saqtaý mınıstrliginiń Qazaq dermatologııa jáne ınfeksııalyq aýrýlar ǵylymı ortalyǵy, AFEW Kazakhstan jáne AFEW International kommersııalyq emes uıymdary ótkizip otyr.
Almaty qalasyndaǵy eki kúndik semınarǵa Qazaqstan, Reseı, Ýkraına, Belarýs, О́zbekstan, Qyrǵyzstan, Tájikstan, Grýzııa jáne basqa da elderden belgili zertteýshiler jınaldy. Semınarǵa qatysýshylar ǵylymı bazany kúsheıtý jáne aımaqtaǵy jaǵdaıdy jaqsartý maqsatynda AITV, týberkýlez (TB), gepatıtterdi emdeý jónindegi sońǵy ǵylymı zertteýlermen bólisip, tájirıbe almasady.
«ShEOA INTERACT ǵylymı pikirtalasta, tájirıbe almasýda týyndaǵan máselelerdi talqylaýda tıimdi forým bolady dep úmittenemin. Aldaǵy jáne uzaq merzimdi keleshekke qajetti aksentterdi qoldanýǵa, qatysýshylarǵa osy máselelerde jańa ádistermen, zertteýlermen, tyń tásildermen tanysýǵa múmkindik beredi. Jumystar laıyqty baǵalanyp, keri baılanystar jolǵa qoıylady. Ǵylymı orta men odan ári yntymaqtastyq pen ınvestısııalaý geografııasy keńeıtiledi. Bul jumys IýNEIDS 90-90-90 maqsattaryna qol jetkizý úshin qajet», – deıdi ShEOA INTERACT 2019 semınarynyń jergilikti komıtetiniń basshysy, QR Densaýlyq saqtaý mınıstrliginiń Qazaq dermatologııa jáne ınfeksııalyq aýrýlar ǵylymı ortalyǵynyń dırektory Baýyrjan Baıserkın.
Halyqaralyq uıymdastyrý komıteti ShEOA NTERACT-2019 semınaryna daıyndyq barysynda ınnovasııalyq tásil paıdalanylyp, baǵdarlama álemniń túrli elderinen AITV, TB jáne gepatıt salasyndaǵy belgili sarapshylardy qamtydy.
Aldaǵy ýaqytta ShEOA INTERACT jyl saıyn ótkiziletin is-sharaǵa aınalyp, barlyq elderdiń ǵalymdaryna óz jańalyqtaryn kórsetýge múmkindik berý úshin ShEOA aımaǵynyń túrli memleketterinde ótetin bolady.
ALMATY
