«Semınar ótkizýge qosylyp otyrǵan AFEW International kommersııalyq emes uıymy Shyǵys Eýropa jáne Ortalyq Azııa aımaǵynda 20 jylǵa jýyq jumys isteıdi jáne aımaqtaǵy AITV, týberkýlezge jáne gepatıtke qatysty derekterdiń úlken jetispeýshiligin únemi bastan keshirip keledi. Bul derekter aýrýlarǵa qarsy kúres strategııasyn qurý úshin óte mańyzdy. Bizdiń semınardyń maqsaty – aımaqtaǵy zertteýlerdi damytýdy yntalandyrý jáne ártúrli elderdiń jetekshi ǵalymdary men bolashaqta aımaqtaǵy densaýlyq saqtaý jáne zertteý máselelerinde kóshbasshylyq tanyta alatyndar arasyndaǵy yntymaqtastyq qurýǵa járdemdesý», – deıdi INTERACT-2019 semınarynyń Halyqaralyq uıymdastyrý komıtetiniń múshesi jáne AFEW International dırektory Anke van Dam.
Shyǵys Eýropa jáne Ortalyq Azııa – AITV indeti áli de jyldam ósip kele jatqan álemdegi jalǵyz aımaq. IýNEIDS-tiń baǵalaýynsha, 2018 jylǵy jaǵdaı boıynsha Shyǵys Eýropa jáne Ortalyq Azııa aımaǵynda 1,7 mıllıonǵa jýyq adam AITV-ahýaldy. 2018 jyly shamamen 38 myń adam JITS-ten qaıtys boldy.
Eki kúndik semınar ShEOA aımaǵyna, onyń ishinde Qazaqstanǵa tikeleı qatysy bar taqyryptarǵa, atap aıtqanda, AITV indetine qarsy turýdyń jańa tabystary men mol tájirıbesine arnalady.
Asa mańyzdy halyqaralyq sharaǵa Shyǵys Eýropa men Ortalyq Azııadaǵy AITV/JITS jónindegi BUU Bas hatshysynyń arnaıy elshisi Mıshel Kazachkın (Fransııa), Amsterdam ýnıversıtetiniń Jahandyq densaýlyq saqtaý kafedrasynyń dosenti (Nıderlandy) jáne Kanadadaǵy Makgıll Ýnıversıtetiniń qoǵamdyq densaýlyq saqtaý jáne halyq medısınalyq fakýltetiniń professory Ketrın Henkıns, «Psıhıatrııa-narkologııa» Mınsk oblystyq klınıkalyq ortalyǵynyń bas dárigeri Alekseı Aleksandrov (Belarýs), AFEW International atqarýshy dırektory Anke van Dam (Nıderlandy) syndy yqpaldy tulǵalar qatysyp otyr.
ALMATY
