15 qazannan 18 qarashaǵa deıin elordada tumaý men JRVI-ge qarsy turǵyndardy ımmýndaý aksııasy ótti. Ákimdik jergilikti bıýdjet esebinen 100 myń mólsherde «Grıppol Plıýs» reseılik óniminiń vaksınalary satyp aldy.
Qaýip-qater tobyna jatatyn elorda turǵyndaryna tirkelgen meken-jaıy boıynsha emhanalardan tegin ekpe jasaldy. Jalpy 7270 medısına qyzmetkeri, 33 789 bala, júktiliktiń ekinshi jáne úshinshi trımestrinde 6000 júkti áıel, sozylmaly aýrýlar, júrek-qan tamyrlary jáne tynys alý júıesi aýrýlarymen aýyratyn 47 281 adam egildi.
Tumaý vırýsy jótelý nemese túshkirý kezinde juqtyrǵan adamnan aýa tamshylarymen, sondaı-aq qarapaıym zattarmen (esik tutqalary, lıft túımeleri, avtobýstyń tutqalary, qaǵaz aqsha, qol sómkeleri arqyly) ońaı juǵatynyn aıta ketken jón. Kóp jaǵdaılarda JRVI salystyrmaly túrde ońaı kóteriledi. Biraq tumaý kezinde dene qyzýy 39-40 S joǵary, qaltyraý, jótel, jalpy álsizdik, murynnyń bitelýi, qatty bas aýrýlary, sondaı-aq bulshyq etter men býyndardaǵy aýyrsyný men syrqyraý baıqalady.
