Qazaqstan • 19 Qarasha, 2019

Elordada 1200 orynǵa arnalǵan mektep salynady

212 ret

kórsetildi

1 mın

oqý úshin

18 qarashada elorda ákimdigi, Bahreın Patshalyǵynyń Patshalyq qaıyrymdylyq qory jáne «Nurly Astana» Korporatıvtik qory arasynda Nur-Sultan qalasynyń aýmaǵynda mektep qurylysynyń jobasyn júzege asyrý týraly úshjaqty Memorandýmǵa qol qoıyldy. Bul týraly qala ákimdiginiń resmı saıty habarlady.

Egemen Qazaqstan

Elordada 1200 orynǵa arnalǵan mektep salynady

Memorandýmǵa sáıkes Nur-Sultan qalasynda 1200 orynǵa arnalǵan mektep turǵyzylady. Mekteptiń qurylys jumystaryn «Nurly Astana» Korporatıvtik qory Bahreın Patshalyǵynyń Patshalyq qaıyrymdylyq qorynyń qarjylandyrýy esebinen júzege asyrý josparlanǵan.

Qurylys aıaqtalǵannan keıin mektep qalanyń kommýnaldyq menshigine ótedi. Aldyn ala jasalǵan jospar boıynsha mektep qurylysy 2021 jyly aıaqtalady.

Sonymen qatar bul joba qurylysy aıaqtalǵanda mektep ujymyna 100 jańa jumys ornyn ashýǵa múmkindik beredi. Atalǵan shara qala ákiminiń orynbasary Malıka Bektýrova men «Royal Charity Organization» bas hatshysy Doktora Mýstafa Al Saed jáne «Nurly Astana» Korporatıvtik qory dırektory Shahmardan Janbosynovtyń qatysýymen ótti.

Arab memleketteriniń qarjylandyrýymen memlekettik mektepter salýdyń tájirıbesi burynnan bar. Búginde Birikken Arab Ámirlikteri men Katar memleketiniń qarjylandyrýy esebinen salynǵan mektepter sátti jumys istep jatyr (2018 oqý jylynan bastap № 85 lıseı mektebi jáne 2017 oqý jylynan bastap № 84 mektep).