«Zań jobasynyń negizgi maqsaty – Qazaqstan men Túrkııa arasyndaǵy teń quqyqtyq jáne ózara tıimdilik qaǵıdattary negizinde uzaq merzimdi áskerı yntymaqtastyqty odan ári damytý. Qujatty ratıfıkasııalaý Qazaqstannyń áskerı saladaǵy múmkindikterin keńeıtedi jáne eki memleket arasyndaǵy áskerı yntymaqtastyqty damytýǵa oń áser etedi», dep atap ótti komıtet tóraǵasy Muhtar Qul-Muhammed.
Qazaqstan Respýblıkasynyń Úkimeti men Túrik Respýblıkasynyń Úkimeti arasyndaǵy Áskerı yntymaqtastyq týraly kelisimge 2018 jylǵy 13 qyrkúıekte Ankarada qol qoıylǵan bolatyn.
Zań jobasyn ázirleýshiler eki el arasynda birlesken oqý-jattyǵýlar men ǵylymı jáne tehnıkalyq zertteýler júzege asatynyn, sondaı-aq qorǵanys ónerkásibi máseleleri talqylanatynyn atap ótti.
Qujattar Palatanyń qaraýyna berildi.
