Eńbekmıniniń basshysyna Aqmola, Almaty, Qyzylorda oblystarynyń, sondaı-aq Nur-Sultan, Almaty, Semeı, Qaraǵandy, Temirtaý, Qostanaı jáne Kókshetaý qalalarynyń turǵyndary jeke suraqtaryn qoıdy.
О́tinishterdiń basym bóligi múgedektigi bar adamdardy áleýmettik qorǵaý, onyń ishinde olardy tehnıkalyq ońaltý quraldarymen qamtamasyz etý máselelerine qatysty boldy. Sonymen qatar, azamattar ataýly áleýmettik kómek kórsetýge, borysh júktemesiniń tómendeýine, zeınetaqy men járdemaqy taǵaıyndaýǵa, bıznes ashýǵa grant alýǵa, eńbek quqyqtarynyń buzylýyna baılanysty suraqtar qoıdy.
Júginýshilerdiń barlyq ótinishteri men usynystaryn tyńdaǵan Birjan Nurymbetov naqty túsiniktemeler berdi jáne tıisti vedomstvolarǵa Eńbekmıniniń quzyretine kiretin máselelerdi qoldanystaǵy zańnama aıasynda sheshýge kómektesýdi tapsyrdy.
