Kezdesý barysynda Nursultan Nazarbaev táýelsizdik jyldarynda Qazaqstan men Shveısarııa arasynda ekonomıkanyń túrli salalarynda jaqsy qarym-qatynas qalyptasqanyn atap ótti.
– Qazaqstanǵa qosh keldińiz. Sizderdiń elderińizge birneshe ret bardym. Shveısarııa – Qazaqstannyń iri jáne mańyzdy saýda seriktesteriniń biri. Bizdiń elimizdi árqashan qoldap kelesizder. Osy yntymaqtastyqty odan ári jalǵastyrǵan jón. Bizde shveısarııalyq bıznesti qyzyqtyratyn jobalar kóp, - dedi Qazaqstannyń Tuńǵysh Prezıdenti.
О́z kezeginde Ýlı Maýrer Nursultan Nazarbaevqa kezdesý úshin rızashylyq bildirip, Qazaqstanǵa jasap jatqan resmı saparynan alǵan áserimen bólisti.
– Bizdiń elderimizdiń qarym-qatynasy óte jaqsy. Búgin tańerteń mazmundy ári jemisti kezdesýler ótkizdim. Qazaqstanmen birlese otyryp damytatyn kóptegen jobalardy talqyladyq, - dedi Shveısarııa Prezıdenti.
