«Borıs Túkenuly Kerimbaev 1948 jyly 12 qańtarda Almaty oblysy, Prýdkı kentinde dúnıege kelgen. V. I. Lenın atyndaǵy Tashkent joǵary komandalyq ýchılıshesin támamdaǵan. Ofıserlik qyzmetin Germanııadaǵy keńes áskeriniń quramynda motoatqyshtar vyzvodynyń komandırinen bastap, Ortaazııalyq áskerı okrýgte barlaý rotasyn, shtabty basqardy, keıin mtotatqyshtar batalonyn.
1980 jyly Kerimbaevti Efıopııaǵa jaıaý ásker brıgadasy komandıriniń keńesshisi laýazymynda sheteldik issaparǵa jiberdi. Dál osy jyly ol Qapshaǵaı qalasynda qurylǵan arnaıy maqsattaǵy 177-shi jekelegen jasqatyń komandıri bolyp taǵaıyndaldy.
1981 jyly polkovnık Borıs Kerimbaev Aýǵanstanǵa jiberildi. Onyń jasaǵy modjehetterge qarsy qurylǵan jaýyngerlik is-qımyldarǵa birden kirisip ketti. Ofıser Pandjer shatqalyndaǵy sovet áskerleri men Ahmad Shah Masýda otrıadtary qarsylarsynyń negizgi qatysýshysy bolyp tabylady. 1982 jyly onyń basshylyq etýimen jasaq aýǵandyq modjahedterdiń qurylymdaryn belgisiz merzimge ishinara baqylaý jáne buǵattaý úshin sol jerge qaıta jiberildi.
8 aıdan keıin turaqty atystardan, qonystaný operasııalary men reıdterden sany jaǵynan basym bolǵan qarsylaspen modjahedterdiń basshysy ýaqytsha bitimge kelisýge májbúr boldy. Nátıjesinde Keńes áskerlerine qarsy toptardyń jaýyngerlik is-qımyldarynyń toqtatyldy. Bul sózsiz Kerimbaevtyń eńbegi boldy. 1983 jyldyń naýryz aıynda polkovnık Kerimbaev barlyq bólimshelerdi shatqaldan shyǵardy. Komandeırge «Qara maıor» laqap atyn jeke jasaǵy qoıǵan bolatyn.
Keıin ofıser Qapshaǵaı qalasyndaǵy 22-shi arnaıy maqsattaǵy brıgada komandıriniń orynbasary, 546-shi arnaıy maqsattaǵy oqý polkiniń komandıri bolyp qyzmet etti. 1992 jyly densaýlyq jaǵdaıyna baılanysty Qarýly Kúshterden polkovnık ataǵynda bosatyldy.
2019 jyly 12 aqpanda uzaq aýrýdan keıin Borıs Kerimbaev Almaty qalasynda ómirden ótti.
Ofıser «Qyzyl Tý», «KSRO Qarýly Kúshterinde Otanǵa qyzmet etkeni úshin» (3 dárejeli), «Aıbyn» (1 dárejeli) ordenimen jáne mereıtoılyq medaldarmen marapattaldy.
Esterińizge sala keteıik, aǵymdaǵy jyldyń qazan aıynda Halyq Qaharmany polkovnık Qasym Qaısenovtiń esimi О́skemen qalasyndaǵy áskerı bólimge, jáne de aty ańyzǵa aınalǵan qazaqstandyq general-maıor Shákir Jeksenbaevtyń esimi Taraz qalasyndaǵy áskerı bólimge berilgen bolatyn», delingen habarlamada.
