Deni saý bala – ult baılyǵy

Qarasha aıynyń 17-si shala týǵan sábılerge arnalǵan halyq­ara­lyq kún bolsa, 20-sy pedıatr dárigerlerdiń ózderine ar­nalǵan mereke. Osy eki ataýly kún­ge oraı arnaıy aksııa ótkizip, ár óńir­den kelgen balalardy te­gin tekserip, keńes bergen «UMC» korporatıvtik qorynyń Pe­dıatrııa departamenti den­saýlyǵyn jan-jaqty qarap, te­reń zertteýdi qajet etetin ba­lalarǵa aıryqsha nazar aýdar­dy. Sóıtip stasıonarlyq emdi qa­jet etetin balalarǵa tur­ǵy­lyqty jeri boıynsha jos­parly em alýǵa usynymdar ja­sap, al derti aýyrlaryn «UMC» kor­­poratıvtik qorynyń Ana men bala ortalyǵynda te­gin me­dı­sınalyq kómektiń kepil­dik berilgen kólemi aıasyn­da sta­sıo­narlyq em alýǵa, onyń ishinde ope­ratıvti jáne konservatıvti em qabyldaýǵa joldamalar berdi.

Nur Otan partııasy Nur-Sul­tan qalalyq fılıaly «О́r­kenıet» fılıalymen birlese «Ba­qytty otbasy» jobasyn iske asyrý aıasynda ótkizgen ak­sııa múmkindigin paıdalanyp sábı­lerin tegin kórsetip alýǵa kelgen ata-analardyń qatary kóp eken.

«UMC» korporatıvtik qory­nyń Pedıatrııa departamenti dı­rektorynyń ambýlatorııa jó­nindegi orynbasary Lı­lııa Hasanova: «Bizdiń pedıa­trııa ortalyǵyna bıyl 5 jyl tolyp otyr. Bir kezderi medı­sı­nalyq JOO-larda pedıatrııa fakýl­tetteri jabylyp, bala­lar dá­rigerlerine degen qam­qorlyqtyń azaıǵan tusy bolǵan. Qazir bári ornyna keldi, negizinen bola­shaǵyn oılaǵan qaı memleket te balalardyń densaýlyǵyna zer salady. Elimizde búginde jetkinshekterdiń densaýlyǵyna nazar aýdaryp, tereń dıag­nos­tıkalyq zertteýler júrgizip, ári qaraı sapaly emdeı alatyn múm­kindigi mol irgeli klınıkalardyń bo­lýy memleket tarapynan bul salaǵa qanshalyqty kóńil bólinetinin kórsetedi. 5 jyl ishinde 195 myń balaǵa konsýltasııa berilip, onyń 5 myńy kvo­ta boıynsha tegin qaralyp, emdeldi. Olardyń ishinde asa kúr­deli derti bar balalar men sırek kezdesetin orfandy aýrýǵa ushyraǵandar boldy» deıdi.

Nur Otan partııasy Nur-Sul­tan qalalyq fılıaly medısına mekemeleriniń basyn quraıtyn «О́rkenıet» fılıaly tóraǵasynyń birinshi orynbasary Márııa О́tepbaevanyń aıtýynsha, partııanyń bastamasymen ótken bul aksııa mundaı sharalardyń alǵashqysy da, sońǵysy da emes. Buǵan deıin «25 qaıyrymdy is», «Meıirim syıla», «Baqytty balalyq shaq», «Astana – rýhy myqty jan­dar qalasy» syndy áleý­met­tik jobalar aıasynda elimiz­diń barlyq óńirinen kelgen ba­lalarǵa konsýltatıvtik-dıag­nostıkalyq tekserýler ótkizilip, kóp balaly, turmysy tómen otbasylardan shyqqan balalarǵa tegin kómek kórsetilgen eken. Bıylǵy 9 aıdyń ishinde partııaǵa kelip túsken 54 ótinishtiń bar­lyǵy boıynsha oń sheshim qa­byldanyp, pasıentterge kvo­ta bólingenin aıtqan Má­rııa Muh­­tarqyzy: «Qazir ásire­se áleý­­mettik jelilerde dári­ger­ler atyna jaqsy sózder kez­­­­destirý sırek. Sál bir kem soq­­qan jerdi jazsa, alaýlatyp-jalaýlatyp, balaǵattap, dá­­riger ataý­lydan bezdiretin tú­sinik qalyptastyrady. Al shyn máninde medısına qyz­metkerleriniń eńbegi ushan-teńiz, kúrdeli operasııalar jasalyp jatyr, adam ómirine arasha tú­sip, talaı jannyń tynysy toqtamaı, tirshiligin ári qaraı jalǵastyrýda. Dáriger bolmasam da, partııalyq qyzmetimde medısınaǵa jaqyn júrgendikten aq jeleńdi jandardyń eńbegin bilemin. Sondyqtan qoǵamda dáriger ataýlyǵa teris pikir týdyrý bolashaqta jastardyń dáriger mamandyǵyn tańdaýdan teris aınalýyna sebep bola ma dep oılaımyn» degen pikirimen bólisti.

Osy tusta «UMC» korpora­tıvtik qorynyń Pedıatrııa depar­tamentinde eńbek etetin dáriger­lerdiń pasıentterge jo­ǵary bilikti kómek kór­setýdegi jınaǵan tájirıbeleri mol ári ony balalar densaýlyǵyn du­rystaý jolynda dıagnos­tıkadaǵy jáne emdeýdiń ulttyq klı­nıkalyq standarttaryn ázir­leýge jumsap, sonymen bir­ge el aımaqtaryndaǵy medı­sına mekemeleriniń balalar arasynda ólim-jitimdi azaıtýǵa baǵyt­talǵan jumystaryna udaıy uıymdastyrý-ádistemelik kómek kórsetýmen kele jatqanyn aıta ketken jón. Oǵan qosa rezıdentýra jáne qosymsha medısınalyq bilim berý baǵdarlamalary bo­ıyn­sha joǵary bilikti mamandar daıarlaý isine de atsalysady.