Kezdesý barysynda shaǵyn jáne orta bıznes qyzmetin zańnamalyq retteýdi jetildirý máseleleri talqylandy.
«Tuńǵysh Prezıdent – Elbasy Nursultan Nazarbaev pen Qazaqstan Respýblıkasynyń Prezıdenti Qasym-Jomart Toqaev óz sózderinde shaǵyn jáne orta bıznesti damytý máselelerine únemi nazar aýdaryp keledi. Kásipkerlik pen ınvestısııalar máselelerin retteıtin qoldanystaǵy zańnamalyq baza jetildirýdi qajet etedi dep sanaımyn. Búgin osy sala ókilderin tyńdaý, kóterilgen máselelerdi talqylaý jáne sheshimder usyný siz ben bizdiń mindetimiz», – dedi Darıǵa Nazarbaeva.
Dmıtrıı Kazansevtiń aıtýynsha, búgingi tańda salyqtyq ákimshilendirý jáne jeke kásipkerlik qyzmetiniń túrlerin retteýde birqatar ózekti máseleler bar. Shaǵyn jáne orta bıznesti jikteýdi qaıta qaraý qajet. Halyqtyń qarjylyq saýattylyǵyn jaqsartý – bólek másele. D.Kazansev sondaı-aq senatorlarǵa elimizdiń shalǵaı eldi mekenderinde tegin zań keńesterin kórsetý úshin ákimshilik resýrstardyń jetispeýshiligi týraly habardar etti.
Darıǵa Nazarbaeva óz kezeginde Dmıtrıı Kazansevtiń bastamalaryna qoldaý bildirip, talqylanǵan máselelerdi sheshý úlgilerin ázirleý úshin Senat depýtattary men kásipkerlerdiń birlesken jumysyn uıymdastyrýdy usyndy, dep habarlady Parlament Senatynyń baspasóz qyzmeti.
