2020-2025 jyldarǵa arnalǵan Indýstrııalyq-ınnovasııalyq damý memlekettik baǵdarlamasynyń jobasyn ázirleý boıynsha atqarylyp jatqan jumystar týraly ındýstrııa jáne ınfraqurylymdyq damý mınıstri B. Atamqulov, kásipkerlerdi quqyq qorǵaý jáne baqylaý organdarynyń reıderlik jáne zańsyz is-áreketterinen qorǵaý boıynsha sharalardy ázirleý týraly Bas prokýrordyń orynbasary M. Ahmetjanov baıandady.
Ulttyq ekonomıka mınıstri R. Dálenov «Bıznestiń jol kartasy-2025» memlekettik baǵdarlamasyna áleýmettik aspektilerge, onyń ishinde otbasylyq bıznesterdi qosa alǵanda, basymdyq berýmen bıznesti qoldaýdyń jańa formalaryn engizý týraly baıandady.
«Eńbek» memlekettik baǵdarlamasy aıasynda bıýdjet shyǵyndarynyń tıimdiligin arttyrý jáne kópbalaly otbasylardy mıkro- jáne shaǵyn bızneske tartý máselesi boıynsha eńbek jáne halyqty áleýmettik qorǵaý mınıstri B. Nurymbetov shaǵyn nesıelendirý túrindegi jańa qoldaý sharalary týraly baıandap berdi.
«Jańǵyrtý jónindegi ulttyq komıssııa jumysy Elbasy Nursultan Ábishuly Nazarbaevtyń erekshe baqylaýynda. Prezıdent Qasym-Jomart Toqaev Komıssııa jumysynyń 2019-2020 jyldarǵa arnalǵan Josparyn bekitti. О́tken 3 aıda Prezıdenttiń Joldaýyn iske asyrý boıynsha aýqymdy jumystar júrgizildi – Jalpyulttyq is-sharalar josparynyń 81 pýnktiniń 52-si boıynsha tıisti sharalar qabyldandy», dedi A. Mamın.
Úkimet basshysy Prezıdenttiń 2019 jylǵy 2 qyrkúıektegi Joldaýyn iske asyrý jónindegi Jalpyulttyq is-sharalar josparynyń barlyq pýnktterin ýaqytyly oryndaýdy qamtamasyz etýdi tapsyrdy.
