Murajaıǵa aqynnyń jeke zattary, dombyrasy men shapany qoıyldy.
- Sonymen birge estelik sýretteri men arnaıy taqtalar ilindi. Bul bizdiń urpaqty eliniń mádenıeti men ónerin súıýge, sondaı-aq, ónerli birtýar tulǵalar týraly tanyp, bilýleri úshin qajet, - deıdi aýdandyq Bilim bóliminiń ádiskeri Nurgúl Sultanova.
Jyl saıyn Úlgili aýylyndaǵy mektepte aýdandyq Isa Baızaqov oqýlary ótedi.
2007 jyldan Ǵajdembek Tursynovtyń avtorlyq baǵdarlamasy boıynsha 5-8-synyp oqýshylary arasynda «Isataný» kýrsy júrgizile bastady.
Kýrs aımaqtyq «О́miri - óshpes ónege» atty Isa oqýlarynyń bastamasy bolyp, 2011 jyldan bastap aýdanda Isa oqýlaryn ótkizý dástúrge aınalǵan.
Murajaı ashylǵan kúni «Erkin kúshpen órleımin, О́mirim uzaq - ólmeımin...» atty aqyn shyǵarmalaryn jatqa aıtý boıynsha Qaraqudyq orta mektebiniń oqýshysy Aqbota Qanaıbek 1-oryndy ıelendi.
Al «Án qanatynda» bóliminde jasóspirimder Isanyń ánderi men kúılerin oryndaýdan synǵa tústi.
Bul bólimde Qoskól orta mektebiniń oqýshysy Ernur Seıithan ónerli óren atandy. О́ziniń aqynǵa arnap shyǵarǵan óleńimen Aǵashoryn orta mektebiniń oqýshysy Nursultan Baǵdat 1-oryndy ıelendi.
Sondaı-aq oqýshylar «Qyrmyzy-Janaı» poemasynan sahnalyq kórinis kórsetti.
Pavlodar oblysy
Ertis aýdany
