Áleýmettik nysannyń saltanatty ashylý rásimine Qaraǵandy oblysy ákiminiń orynbasary Abzal Núkenov, Senat depýtaty Sergeı Ershov jáne basqa da mártebeli meımandar qatysyp, balalar men olardyń ata-analaryn quttyqtady. Balabaqsha tárbıeshilerine syı-sııapat jasady.
Memlekettik-jekemenshik áriptestik negizinde salynǵan balabaqsha bir jas pen alty jas aralyǵyndaǵy 270 balaǵa deıin qabyldaı alady. Munda balaqaılar qazaq, orys jáne aǵylshyn tilderin oqyp, horeografııa, teatr sheberligi, keskindeme, án aıtý sııaqty óner túrleriniń álipbıin úırenedi.
Mekemeniń ishi jıhazben jabdyqtalǵan. Aýlasynda zamanaýı oıyn alańy bar. Sondaı-aq barlyq qajetti quraldary bar mýzykalyq jáne sport zaldary jumys isteıdi.
Jobany iske asyrýshy Farhat Madenovtiń aıtýynsha, az qamtamasyz etilgen, kópbalaly otbasylarynyń jáne oralmandardyń balalary balabaqshaǵa tegin bara alady, al qalǵan sanattaǵy búldirshinder úshin tómengi tólem júıesi qarastyrylǵan.
Qaraǵandy oblysy
