Nazarbaev pen Mırzıeev OA basshylary ekinshi konsýltatıvtik kezdesýi aıasynda kelissóz júrgizdi. О́zbekstan basshysy Nursultan Nazarbaevty О́zbekstan Respýblıkasyna kelýimen quttyqtap, О́zbekstannyń aımaq elderi kóshbasshylarynyń kezdesýin ótkizý bastamasyna kórsetken qoldaýy úshin rızashylyǵyn bildirdi.
Sonymen qatar sońǵy jyldary birlesken kúsh-jigerdiń arqasynda О́zbekstan men Qazaqstan arasyndaǵy dástúrli tyǵyz qarym-qatynastar sapaly jańa deńgeıge kóterilip, naqty praktıkalyq mazmunǵa toly ekenin atap ótti.
О́z kezeginde Elbasy Nursultan Nazarbaev Prezıdent Shavkat Mırzııoevtiń bastamasymen alǵash ret 2018 jyly Nur-Sultan qalasynda ótken Ortalyq Azııa memleket basshylarynyń konsýltatıvtik kezdesýlerin ótkizý - aımaqtaǵy jan-jaqty yntymaqtastyqty odan ári nyǵaıtyp, ózara árekettesýdiń naqty jobalaryn alǵa jyljytý úshin tıimdi alańǵa aınalǵanyn tilge tıek etti.
Kóshbasshylar kezdesýde ekijaqty qarym-qatynas, kún tártibindegi jahandyq jáne óńirlik ózekti máseleler boıynsha pikir almasty. Eske salaıyq, keshe QR Tuńǵysh Prezıdenti – Elbasy N.Nazarbaev Ortalyq Azııa memleket basshylary ekinshi konsýltatıvtik kezdesýine qatysý úshin Tashkentke is-saparmen bardy.
