Medısınalyq qyzmettiń qoljetimdiligi artty

Memleket basshysy Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Jolaýynda: «Mindetti áleýmettik medısınalyq saqtandyrýdyń júzege asyrylýy medısınalyq qyzmet kórsetýdiń sapasy men qoljetimdiligin jaqsartýǵa baǵyttalǵan. Úkimet áleýmettik medısınalyq saqtandyrý júıesiniń bedeline taǵy da nuqsan keltirmeý úshin ony júzege asyrý máselesine zor jaýapkershilikpen qaraýy qajet» degen edi. Sondyqtan da jaqynda ǵana Úkimette kendi ólkeniń tájirıbesi pysyqtalyp, jańa júıege tolyqtaı kóshýge daıyndyqtyń joǵary deńgeıde ekeni aıtylǵan bolatyn.

Baspasóz týry Osakarov aýdandyq ortalyq aýrýhanasynan bastaldy. 32 myń turǵyny bar aýdandaǵy medısınalyq mekeme jańa júıege 2017 jyldan bastap daıyndalypty. Aýrýhananyń jumysyn tanystyrǵan uıym basshysy Olga Travneva MÁMS eń aldymen medısınalyq qyzmettiń qoljetimdiligin arttyrǵanyn aıtady. «MÁMS bizdiń aýrýhanaǵa kóptegen ózgeristerdi  alyp keldi. KT, MRT sııaqty óte qymbat turatyn tekserýlerdi halyq tegin paıdalanýǵa múmkindik aldy. Osyǵan deıin zeınetkerlerge, múgedekterge, 18 jasqa tolmaǵan balalardan basqalarǵa aqyly bolyp kelgen keıbir qymbat analızder qoljetimdi boldy. Naqtyraq aıtqanda, pasıentter 17 medısınalyq qyzmetti tegin ala alady. Aýrýdy erte anyqtaýǵa jol ashyldy. Qyrkúıekten beri 700 adam onkologııalyq aýrý boıynsha tekserýden ótse, onyń 14-inen aýrý belgileri baıqaldy. 5-ine qaterli isik dıagnozy naqty  qoıylyp, der kezinde emderin alýda. Aýrýhanalar zamanaýı qurylǵylarmen tolyǵýda. Dári-dármekpen qamtamasyz etý de jaqsy jolǵa qoıyldy», dedi Osakarov aýdandyq ortalyq aýrýhanasynyń dırektory Olga Travneva.

Ońaltý jumysy ońtaılandy

MÁMS ońaltýǵa da basym­dyq beredi. Iаǵnı, MÁMS júıesindegi ońaltýdy qarjy­lan­dyrý úsh esege jýyq ulǵaı­maq. Qazir azamattarǵa birin­shi jáne ekinshi deńgeıli ońal­tý kómegi qoljetimdi bolsa, MÁMS engizilgen soń ońal­tý­dyń úshinshi kezeńi paıda bolady. Buǵan qosa, jeke ınvestorlardyń esebinen elimizde zamanaýı ońaltý ortalyqtary salynýda. 

Al óńirde MÁMS engen eki aıda turǵyndardy medı­sınalyq saqtandyrý esebinen ońaltý kóme­giniń aýqymy 42,2%-ǵa art­qan. Qaraǵandy oblysy Neıro­ońaltý ortalyǵyna at basyn bur­ǵan bizdi bas dáriger Rýslan Be­lıaev qar­sy aldy. Onyń aıtýyn­sha, eki aıdyń ishin­de eki myń­nan astam adam ońal­tý kóme­gin alǵan. «Biz aqsha­ny saq­­tan­dyrý arqyly ala­myz. Ońal­tý jumystary tegin bol­ǵan­­dyq­tan halyqqa bu­ryn­ǵy­­dan da qoljetimdi boldy. Negi­zin­de bizdegi bir ońaltý kýrsynyń ózi 300 myń teńgege deıin jetedi. Baǵdarlamanyń nátıjesinde ońaltýmen qamtý kó­lemi edáýir ulǵaıdy», deıdi Qa­raǵandy oblysy Neıro­ońal­tý ortalyǵynyń bas dári­ge­ri Rýslan Belıaev.

 Sıfrlandyrýǵa kóshti

MÁMS eń aldymen aqpa­rat­­tyq júıege oń yqpalyn tıgizgen. Bul naýqastardyń sany men qyzmet kórsetýdiń sapa­syn arttyryp otyrǵanyn aıta­dy mamandar. «Qazir bar­lyq jumys elektrondy túrde júrgiziledi. Burynǵydaı qa­ǵaz­­ǵa jazý, qaǵazben tasý degen múlde bolmaıdy. Basqa aýrý­ha­nalarmen beınebaılanys arqyly keńes alýǵa da múm­kin­digimiz bar. Jańa jyldan bastap memleket ózi qarjy­lan­dyratyn 15 sanatty da qamtıtyn bolamyz. Bu­rynǵydaı aýyldaǵy pasıent­ter bizge kelip júr­meı­­di. Bul bir jaǵynan biz­diń júktememizdi  azaıtsa, ekin­shi jaǵynan olar vıdeo baı­lanysqa shyǵý arqyly kez kelgen ýaqytta bizden ke­ńes ala alady. Barlyq medısınalyq anyqtamalar da elektrondy túrde beriledi. Elektrondy bolǵandyqtan eshkim qujatty ózgerte almaı­dy jáne qoldan jasap sata da almaıdy. Sondaı-aq buǵan deıin pasıent­ter aýyrǵan kezde nemese kerek kezinde kelip qara­­latyn bolsa, endi kim qan­daı em alý kerektigin SMS arqy­ly jiberip otyramyz», deıdi Olga Travneva.

 Qyzmet kórsetý sapasy artty

Bizdiń  saparymyz Qara­ǵan­dy qalalyq  №4 emhanada jalǵasty. Medısınalyq mekemege kirgennen buryn­ǵy­daı uzyn sonar kezektiń joǵalǵanyn birden baıqadyq. Buǵan qosa spıkerler qyzmet kórsetý sapasy aıtarlyqtaı artqanyn qýanyshpen jetkizdi. «Bul – oblystaǵy birinshi otbasy densaýlyǵy ortalyǵy. Bizge 68 500 adam qaraıdy. Onyń 57 paıyzy MÁMS arqyly em-dom alsa, olardyń 43 paıyzyna jumys berýshiler tóleıdi. MÁMS engeli bizdiń josparymyzdyń oryndalýy da jaqsardy. Buryn bir dárigerge 2200 pasıentten týra kelse, qazir bir dáriger 1600 kisini qabyldaıdy. Emhanaǵa 20 800 pasıent tirkelgen. Qazir 13 ýchastok bar. 2020 jyl­dan bastap jumys berýshi jala­qynyń 1 paıyzyn, al ju­mysker ózi 1 paıyzyn tóleı­tin bolady. Sáýirge deıin bar­ly­ǵyn qabyldaımyz da, sáýir­den bastap sanatyna qaraı qabyldaıtyn bolamyz», deıdi Qaraǵandy qalalyq №4 emha­na­nyń dırektory Saltanat Shaıdarova.

Dáriger naýqas týraly málimetti der kezinde ta­bý­­ǵa jáne ýaqytyly kómek kór­se­týge múmkindik aldy. Tur­ǵyndar dárigerdiń qabyldaýy­­na ınternet arqyly jazyla alady. «Buǵan deıin naýqas­tar aýrýhanaǵa jatyp emdelý úshin kvotany uzaq ýaqyt kútetin. Olar qujattar tizimin daıyndaǵan soń biz kvota bólimine jiberetinbiz. Kvo^­tany eki aptadaı kútip alǵannan keıin tekserýge bir aptadaı ýaqytyn jumsaıtyn.  Qazir elektrondy baǵdarlama arqyly birden kvotaǵa qol jetkizýge múmkindik bar. Bul bizdiń jumys ónimdiligin arttyrýymyzǵa da septigin tıgizdi», deıdi Qaraǵandy qalalyq №4 emhanasynyń jalpy tájirıbelik dárigeri Ábdirahman Mútáli.

Jalpy alǵanda 2020 jyly MÁMS engizilgennen ke­ıin densaýlyq saqtaý sala­sy­na arnalǵan bıýdjet elimiz bo­ıynsha shamamen 1,5 trln teń­ge­ni quraıtyn bolady. Me­dısınalyq ońaltýdy qosa al­ǵanda, halyqtyń qajet­tilikterine negizdelgen medısı­na­lyq kómektiń basym túrlerin qarjylandyrý kólemi edáýir ulǵaıady. Bul kelesi jyly 7 esege, 2025 jylǵa qaraı 11 esege deıin ulǵaıady dep josparlanǵan. Kelesi jyly medısına qyzmetkerleriniń jalaqysy kóbeıedi. Atap aıt­qanda, dárigerlerdiń eńbekaqysy 30%-ǵa, orta medı­sı­na qyzmetkeriniń tabysy 20%-ǵa ósedi, al 2025 jylǵa qaraı olar qazirgi jalaqymen salystyrǵanda 2 ese kóp alýy tıis.