Aımaq basshysynyń habarlaýynsha, oblys ekonomıkasynyń basym salalarynda oń dınamıka baıqalýda. Máselen, ónerkásip óndirisiniń kólemi 6,5 paıyzǵa, aýyl sharýashylyǵy 4,4 paıyzǵa, qurylys 9,2 paıyzǵa, kólik 3,6 paıyzǵa, saýda 4,5 paıyzǵa, sondaı-aq baılanys qyzmeti 6,4 paıyzǵa joǵarylady. Jergilikti qamtýdy arttyrýǵa baǵyttalǵan «Qarapaıym zattar ekonomıkasy» boıynsha jalpy quny 70,5 mlrd teńgege 112 jobanyń ishinen 20,2 mlrd teńgege 38 joba maquldandy.
– Shaǵyn jáne orta kásipkerlikti damytý maqsatynda Taraz qalasynda «Bir tereze» qaǵıdasy boıynsha jumys isteıtin zamanaýı front keńse ashyldy. Bıyl kásipkerlerge 8,6 mlrd teńge kóleminde shaǵyn nesıe berildi. Bul respýblıka boıynsha 1-orynǵa ıe kórsetkish. Kásipkerlikti qoldaý kartasy aıasynda 2025 jylǵa deıin 2,9 trln teńgeni quraıtyn 69 ınvestısııalyq jobany iske asyrý josparlanýda. Bıyl 89 mlrd teńgeni quraıtyn 15 joba iske qosylady. Onyń ishinde shetel ınvestorlarynyń qatysýymen M-KAT GREEN kún elektr stansasy (100 MVt) jobasy bar. Oblysta balama elektr qýatyn óndiretin 5 jobanyń qurylysy júrgizilýde. Qoldanystaǵy 9 jobany (170 MVt) qosqanda jalpy qýat 403 MVt quraıdy, – dedi A.Myrzah-
metov.
Oblys turǵyndarynyń ál-aýqaty agroónerkásip kesheniniń damý deńgeıimen tyǵyz baılanysty. О́ńirler arasynda aýyl sharýashylyǵy ónimi óndirisi boıynsha Jambyl oblysy birinshi orynda tur. Atap aıtqanda, egistik alqaby 18 myń gektardan 687 myń gektarǵa jetti. Ozyq tehnologııalardy engizý arqyly údemeli baq 40%-ǵa artyp, 1029 gektardy qurady. Qant qyzylshasynyń túsimi 135 myń tonnaǵa jetip, 7%-ǵa artty. Qant óndirisin damytý úshin qýaty jylyna 148 myń tonna óndiretin, quny 85 mlrd teńge bolatyn zamanaýı qant zaýytynyń qurylysy bastaldy. Sońǵy 2 jylda 25 kooperatıv qurylyp, olardyń jalpy sany 55-ke jetti. Onda 13,3 myń tonna sút, 4,5 myń tonna et óndirildi. Byltyr respýblıka kóleminde eksporttalǵan qoı etiniń 43 paıyzy Jambyl óńirine tıesili. Bıyl bul meje eselenip, 972 tonna qozy eti eksporttaldy.
– Jyl basynan beri 430 myń sharshy metr turǵyn úı paıdalanýǵa berildi. «Nurly jer» baǵdarlamasy aıasynda 30 kóppáterli turǵyn úı salynýda. Baspanaǵa muqtaj az qamtylǵan jáne kóp balaly otbasyn turǵyn úımen qamtamasyz etý maqsatynda 11 jataqhana boı kóterýde. Infraqurylymdy jańǵyrtýǵa baǵyttalǵan «Aýyl – el besigi» jobasy aıasynda bıyl oblystyń 3 aýdan ortalyǵynda 3 mlrd teńgege 108 joba iske asyrylyp jatyr. Onyń 104 jobasynda jóndeý jumystary aıaqtalyp, 4 áleýmettik nysan qurylysy 2020 jyly bitedi. «Eńbek» baǵdarlamasymen 36 myńǵa jýyq adam qamtylyp, 27 myń adam jumysqa ornalastyryldy. Esepti kezeńde oblysta 18 myń jańa jumys orny ashyldy. Onyń 11,5 myńy turaqty. Turǵyndardyń turmystyq tabysyn jaqsartý jobasy 5 baǵytta júzege asyrylmaq, – dedi oblys ákimi.
Spıker bilim salasynda 15 jekemenshik mektepke deıingi uıymdar ashylyp, 3-6 jas aralyǵyndaǵy balalardy balabaqshamen qamtý úlesi 100%-ǵa jetkenin aıtty. 2 jylda 14 mektep salynyp, 4 apatty, 4 úsh aýysymdy, 6 oryn tapshylyǵy bar mekteptiń máselesi sheshimin tapqan. Búginde 3 apatty mekteptiń ornyna jańa nysan salý iske asyrylýda. Keler jyly atalǵan másele tolyǵymen rettelmek.
– Medısınalyq aqparattyq júıe barlyq medısınalyq uıymdarda engizildi. Internet jelisine 391 mekemeniń 383-i (98%) qosylǵan. Halyqtyń 95%-nyń elektrondy densaýlyq pasporttary bar. Sondaı-aq 200 oryndyq onkologııalyq dıspanser salynyp jatyr. Qurylys 2021 jyly aıaqtalady. Oblysta shaǵyn sport alańdaryna túgendeý júrgizilip, qajettilik 266 nysandy qurady. Bıyl 134-i salyndy. Jyl sońyna deıin 40 nysan paıdalanýǵa beriledi. Jergilikti turǵyndardyń dene shynyqtyrýmen aınalysýy úshin demeýshiler kómegimen 400 adamǵa arnalǵan 1 sport kesheni salyndy, bıýdjet esebinen 2-ýiniń qurylysy júrip jatyr. Mádenıet salasynda aýyl turǵyndarynyń suranysyn qamtý úshin oblysta 153 aýyldyq okrýgte aqparattyq ortalyq ashyldy, – dedi Jambyl oblysynyń ákimi.
Týrızm salasynda ınvestısııa tartý úshin aımaqtyq karta bekitilipti. «Oǵan 33 týrıstik nysan engizilip, 12 týrıstik baǵyt aıqyndaldy. 2 jylda 8 saıabaq, gúlzarlar men alleıalar salyndy. Taıaý ýaqytta «Shahrıstan» etnomádenı kesheni (200 ga astam) paıdalanýǵa berilgeli otyr. Onda «Rýhanııat», «Kórme ortalyqtary», «Kórkem sýret galereıasy», «Qolóner sheberhanasy», «О́lketaný murajaıy», «Tarıhtaný ortalyǵy» syndy nysandar qamtylǵan», dedi A.Myrzahmetov.
