Qoǵam • 11 Jeltoqsan, 2019

Zorlyq-zombylyqqa qatysty zańdar kúsheıedi

294 ret kórsetildi

Prezıdent Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda: «Jynystyq zorlyq-zombylyq, pedofılııa, esirtki taratý, adam saýdasy, áıelderge qatysty turmystyq zorlyq-zombylyq jáne basqa da aýyr qylmystarǵa, ásirese balalarǵa qatysty qylmystarǵa qoldany­latyn jazany shuǵyl túrde qataıtý qajet» degen bolatyn. 

Memleket basshysynyń tapsyrmasyn oryndaý maqsatynda depý­tattar toby otbasyndaǵy zor­lyq-zombylyqqa naqty qar­sy turýǵa, áıelderge qatysty kem­­sitý­shiliktermen kúresýge múm­­kindik beretin zań jobalaryn ázir­ledi. Atap aıtqanda, onyń al­ǵash­qysy – «Otbasylyq-turmys­tyq zorlyq-zombylyqqa qarsy is-qımyl týraly» jańa zań jobasy. Onda otbasylyq-turmystyq zorlyq-zombylyqqa qarsy is-qımyl sýbektilerin keńeıtý, ýákiletti organdardyń naqty ókilettikterin bekitý, aldyn alý sýbektileri arasyndaǵy ózara is-qımyl tetigin aıqyndaý, qorǵaý nusqamasynyń merzimin ulǵaı­tý, quqyq buzýshynyń túzetý baǵdarlamasynan ótýin engizý usynylmaq. Ekinshi zań jobasy «Qazaqstan Respýblıkasynyń keıbir zańnamalyq aktilerine otba­sylyq jáne genderlik saıasat máse­leleri boıynsha ózgerister men tolyq­tyrýlar engizý týraly» dep atalady. Bul zań jo­basyn­­da eńbek qatynastary sala­syn­­daǵy kemsitýshilik uǵymy naq­­tylanyp, jumys berýshi­ler­­diń kemsitýshilik fakti­lerin ja­syrǵany úshin jaýapkershiligi, ot­basynyń ekonomı­ka­lyq, tár­bıelik, turmystyq jáne basqa da fýn­k­sııalaryn oryn­daýda ata-ana­nyń jaýapker­shiligi zań­na­ma­lyq túrde beki­tilip otyr, buǵan qosa áıelderdiń eko­no­mı­ka­lyq jáne saıası ilgerileýine yqpal etetin normalar da engizilgen.

Bıyl qazan aıynda Ulttyq komıssııa birqatar mem­lekettik organdardyń ókil­derimen bir­le­sip Jeneva qala­synda BUU-nyń beıindi komı­tetinde Áıel­der­ge qatysty kemsitý­shi­lik­tiń bar­lyq nysandaryn joıý týra­ly konvensııa erejeleri­niń oryn­­dalýy týraly Qazaqstan­nyń be­sinshi kezeńdik baıandama­syn qorǵady. Ortalyq kommýnı­ka­sııa­lar qyz­metinde «Zor­lyq-zombylyqqa qarsy 16 kún» halyqaralyq aksııasy aıa­syn­da ótken baspa­sóz máslı­ha­tynda Parlament Má­ji­lisi­niń Áleýmettik-máde­nı damý ko­mı­­tetiniń tóraıymy, Pre­zı­­dent janyndaǵy Áıelder is­teri jáne otbasylyq-demogra­fııa­­lyq saıasat jónindegi ult­tyq komıs­sııanyń tóraıymy Gúl­shara Ábdiqalyqova zorlyq-zom­bylyqqa qarsy is-qımyl boıyn­sha memlekettiń qabyldap jatqan sharalary týraly aıtty.

BUU-nyń Damý baǵdarlama­synyń esebine sáıkes, Qazaq­stan 2018 jyly «genderlik damý deńgeıi óte joǵary» elderdiń reıtıngine enip, genderlik damý ındeksi boıynsha 160 eldiń ishinde 58-orynǵa ıe bolǵan. Al Dúnıejúzilik ekonomıkalyq forýmnyń baǵalaýy boıynsha, 149 eldiń arasynda genderlik alshaqtyq reıtıngi boıynsha bilim berýden 30-orynǵa, áıel­derdiń ekonomıkalyq múm­kindikterin iske asyrý boıynsha 32-orynǵa jaıǵasqan.

Qabyldanyp jatqan is-shara­larǵa qaramastan otbasy­lyq-tur­mystyq qylmystar sany ósýde.

Osy jyly polısııa otba­sylyq-turmystyq quqyq buzý­shylarǵa qarsy 58 myń qorǵaý nus­qamalaryn shyǵaryp, 6 myń­nan astam erekshe talaptar qoıǵan. 15 myń áıelge konsýltasııalyq kómek kórsetilip, 1500 áıel daǵ­darys ortalyqtaryna ornalas­tyryldy.

Jıyn sońynda spıker Otba­sylyq jáne genderlik saıasat tu­jy­rymdamasynyń 2020-2022 jyl­darǵa arnalǵan is-shara­lar josparyn iske asyrý, Tu­jyrym­damanyń nysanaly ındıkatorlaryna qol jetkizý, Memleket basshysynyń áıelder men balalar quqyqtaryn qorǵaýdyń tutas júıesin qalyptastyrý jónindegi tapsyrmalaryn oryndaý boıynsha jumys jalǵasa beretinin aıtty.

 

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar