Mysalǵa, Kóksý aýdanyndaǵy eki aýyldyń medısınalyq mekemesi ornalasqan ǵımarat qulaýdyń aldynda tur. Aınabulaq stansasynyń turǵyny Roza Tánekenovanyń aıtýynsha, aýyldaǵy feldsherlik pýnkt ornalasqan nysan 1934 jyly salynǵan. Qazir tozyǵy jetken ǵımaratqa baryp, em alýdyń ózi táýekeldi qajet etedi. Bılik ókilderi budan habardar. Stansadaǵy dárigerlik pýnkt úshin jańa ǵımarat salý jaıy sheshilgendigin aıtqan. Qarjysy da bólingen eken. Biraq, qurylystyń qashan bastalyp, qaı kezde aıaqtalatyny aýyl turǵyndaryna belgisiz bolyp otyr.
Osy aýdannyń Aqshatoǵan aýylyndaǵy dárigerlik pýnkttiń de tozyǵy jetip tur. Irgetasy 1956 jyly qalanǵan ǵımaratta aq halatty dárigerler amalsyzdan qyzmet kórsetip keledi. Al oblys basshylyǵyna ótinish aıtqan aýyl turǵyndary ambýlatorııa nysanynyń «Aýyl – el besigi» jobasy arqyly jóndeletindigi jaıly jaýap alǵan.
Aıtpaqshy, bıyl oblys boıynsha densaýlyq saqtaý salasyna bólingen bıýdjet qarjysy 95,2 mlrd teńgege jetti. Onyń qomaqty bóligi eldi mekenderdegi emhana men dárigerlik pýnkterdi jańǵyrtý men jańadan salýǵa bólinip otyr eken.
