«Bilim jáne ǵylym» atty taqyryppen ótken is-sharada Memleket basshysy ustazdyqty óte mártebeli mamandyq dep atap, aldaǵy ýaqytta bolashaqqa jol silteıtin muǵalimniń eńbegin laıyqty baǵalaý óte mańyzdy mindet ekenin aıtty.
Jastardyń úlken ómirge tez beıimdelip, iske belsendi aralasyp ketýi úshin mańyzdy máseleniń biri turǵyn úı edi. Osy másele boıynsha jastarǵa arnalǵan baǵdarlamalar negizinde jataqhanalar berilip, jastardy qoldaýdyń túrli jobalary júzege asty.
Taǵy da únemi aıtylyp kele jatqan másele – muǵalimderdiń eńbekaqysynyń tómen bolýy. Osy turǵydan da bilim júıesine bilikti mamandar tartý maqsatynda jáne pedagogtardyń mártebesin kóterý úshin muǵalimderdiń eńbekaqysyn 4 jyldyń ishinde 2 ese arttyrý kerektigi aıtylyp, ustazdar qaýymynyń sapaly, belsendi jumys isteýine erekshe qoldaý jasaldy.
2019 jyldy Jastar jyly dep jarııalaý aıasynda elimizde birshama jumys atqarylyp jatqanyn bilip, kórip júrmiz. Qazaqstannyń jastary – eldiń basty baılyǵy. Elimizdiń bolashaǵy da jastar, sondyqtan olarǵa úlken úmit artyldy jáne múmkindikterin tolyq paıdalanýǵa jol ashyldy. Memleketimizdiń nyǵaıa túsýine burynǵydan da mol úles qosý úshin jastar endi belsendi bola túsýi kerek. Jas maman retinde jan-jaqty qoldaýdy sezinip, ustazdyq jolda eńbek etýdi jalǵastyryp kelemin. Mamandyqty súıip, bolashaq óskeleń jastardy tárbıeleý – ustazdar qaýymynyń mindeti. Bizge artylǵan jaýapkershilik óte úlken. Men jastardy eldiń bolashaǵy úshin eńbek etýden talmańdar degim keledi.
Maqsat Padsabaev,
Nur-Sultan qalasy
Abaı atyndaǵy №87 mektep-gımnazııasynyń muǵalimi
