Al kúni keshe el Táýelsizdiginiń 28 jyldyǵy qarsańynda Túrkistan qalasyndaǵy «Otyrar» yqsham aýdanynda turǵyn úıler tabıǵı gazben qamtamasyz etildi. Halyqaralyq mańyzy bar «Beıneý-Bozoı» magıstraldy gaz qubyrynyń sharapatyn kórýshiler qatarynda túrkistandyqtardyń sany artyp keledi. Aldaǵy kúnderi qalǵan abonentterdi qamtý jumystary jalǵasyn tappaq. Qalany tabıǵı gazben qamtamasyz etý boıynsha aýqymdy jumystar 11 kezeńmen júzege asyrylýda.
Aıta ketelik, 2020 jyldyń sońyna deıin Túrkistan qalasyn «kógildir otynmen» 100 paıyz qamtý josparlanǵan. Bul jumystar «QazTransGazAımaq» mekemesimen birlese júrgizilýde. Sondaı-aq óńirde 500-ge jýyq eldi mekendi tabıǵı gazben qamtýǵa múmkindik beretin qosymsha smetalyq jobalar ázirlenýde.
