Basylym basshylary • 16 Jeltoqsan, 2019

Basylym basshylary - Ábdirahman BAIDILDIN (01.1922)

40 ret kórsetildi

Á.Baıdildın qazirgi Soltústik Qazaqstan oblysynyń Aqqaıyń aýdanynda ómirge kelgen. 1917 jyly Ombydaǵy muǵalimder semınarııasyn bitirgen soń “Birlik” uıymynyń múshesi ári hatshysy bolady. Aqpan revolıýsııasynan soń Aqmola oblysyndaǵy qazaq komıtetin uıymdastyrýǵa belsene atsalysady.

1919 jyly Alashorda delegasııasymen birge Ýfa men Samarada ótken keńestik bılikke qarsy kúshterdiń májilisterine qatysady. 1920 jyly RK(b)P komıtetiniń musylmandar semınarııasynyń tóraǵasy, 1921-1922 jyldary Orynborda qazaq AKSR Jer komıssarıatynyń alqa múshesi, “Eńbekshi qazaq” gazetiniń redaktory bolyp istegen. 1923 jyly Oral oblystyq partııa komıtetiniń úgit jáne nasıhat bóliminiń meńgerýshisi, “Qyzyl tý” gazetiniń redaktory, 1923-1925 jyldary Máskeýde Ortalyq baspanyń qazaq seksııasynyń qyzmetkeri, 1925-1926 jyldary qazaq ólkelik BK(b)P komıteti baspasóz bóliminiń meńgerýshisi, al 1926-1928 jyldary respýblıkalyq oqýaǵartý qyzmetkerleri kásipodaǵynyń tóraǵasy, sonan soń qazMÝ-diń oqytýshysy boldy.

1929 jyly bastalǵan qýǵyn-súrgin kezinde tutqynǵa alynyp, 1931 jyly atý jazasyna kesildi.

Á.Baıdildın “Aldymyzdaǵy maqsatymyz” (1926 j.), “Oqytýshylar men kásipshiler qozǵalysy” (1927 j.), “Oqý qyzmetkerlerine jolbasshy”, “Jańa álippe” (1928 j.) degen eńbekterdiń avtory.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar