1911-1915 jyldary Troısk qalasyndaǵy Ýázıfa medresesinde, Qostanaıdaǵy oryssha-qazaqsha mektepte, Ýfadaǵy Ǵalııa medresesinde bilim alady. 1916-1919 jyldary muǵalim bolady, jazýshylyqpen shuǵyldana bastaıdy. “Qazaq”, “Aýyl” gazetteri men “Aıqap”, “Sadaq” jýrnaldaryna jazyp turady.
B.Maılın “Eńbekshil qazaqqa” “Eńbek týy” bolyp turǵan kezde-aq atsalysa bastaǵan. Alǵash maqalalarymen qatysqan ol ádebı qyzmetker, bólim meńgerýshisi, hatshysy da bolǵan, redaktorlyqqa deıin ósken. Biraq kóp istemegen. 1920-1922 jyldary gazetti jasaýǵa alǵash shyǵarýshylar alqasy basshylyq jasap, keıin jekelegen tulǵalar kele bastaǵan tusta basylymǵa B.Maılın sekildi jetisegiz adam jetekshilik etkeni málim. 1923-1925 jyldary qostanaıdaǵy gýbernııalyq “Aýyl” gazetin shyǵarady. Sonan keıin qaıtadan “Eńbekshil qazaqqa” aýysady, qazaqstan APP-yn uıymdastyrýǵa qatysady. 30-shy jyldary “Aýyl tili”, “Qazaq ádebıeti” basylymdarynyń bas redaktory bolyp isteıdi.
B.Maılın – qazaq ádebıetin órkendetýge eleýli úles qosqan qalamgerlerdiń biri. Barlyq janrda atsalysqan jazýshy 1938 jyly jazyqsyz tutqyndalyp, qyzyl qyrǵynnyń qurbany bolyp kete bardy.
