1921-1923 jyldary Túrkistan KP OK-iniń úgit-nasıhat bóliminiń meńgerýshisi jáne BK(b)P Qazaq ólkelik komıtetiniń ekinshi hatshysy boldy. 1923-1924 jyldary Máskeýdegi K.Tımırıazev atyndaǵy aýylsharýashylyq akademııasynda oqydy. 1924-1928 jyldary BK(b)P Qazaqstan ólkelik komıteti úgit-nasıhat bóliminiń meńgerýshisi qyzmetin atqardy. “Eńbekshi qazaq” gazetine basshylyq jasaǵan kezderi, mine, osy qyzmette júrgen kezben tuspa-tus keledi.
1928-1937 jyldary Qazaq AKSR aǵartý halkomy, qazaq aýyl sharýashylyǵy ınstıtýtynyń dırektorlyǵymen qatar respýblıkalyq kitaphananyń dırektory boldy, Almaty oblysyndaǵy Kegen aýdandyq partııa komıtetiniń birinshi hatshysy, Almaty oblystyq atqarý komıtetiniń tóraǵasy qyzmetterin atqardy. Ultaralyq qatynasty retteýge kóp eńbek sińirdi. BK(b)P-nyń HII jáne HIV, KSRO Keńesteriniń ekinshi, jetinshi, segizinshi sezderiniń delegaty boldy. 1937 jyly tamyzda partııa qatarynan shyǵaryldy da, jalǵan saıası aıyppen tutqyndaldy. 1938 jyly naýryzda atý jazasyna kesildi.
