1919-1920 jyldary Ilbishin jáne Jympıty ýezderinde quqyq qorǵaý organdarynda eńbek etedi; THO (ChON) jaýyngeri, gýb TK (ChK), OGPÝ ýákili, gýbernııalyq qylmysty isterdi izdestirý organy bastyǵynyń orynbasary bolady. 1921 jyly bolshevıkter partııasy qataryna ótedi. Oral gýbernııasynda komsomol, kásipodaq uıymdaryn qurýǵa atsalysqan.
1924-1925 jyldary RK(b)P Qazaqstan ólkelik baqylaý komıssııasynyń orynbasary, qazaq OAK-niń hatshysy, 1925-1929 jyldary BK(b)P Qazaqstan ólkelik komıtetiniń ekinshi hatshysy, 1929 jylǵy sáýirden 1938 jyldyń mamyryna deıin Qazaqstan Halkom keńesiniń tóraǵasy, KSRO BOAK jáne OAK tóralqasynyń múshesi, ólkelik partııa komıtetiniń bıýro múshesi, KSRO Joǵarǵy Keńesiniń depýtaty jáne KSRO Joǵarǵy Keńesi Tóralqasynyń múshesi boldy.
Osy aralyqtarda, ıaǵnı 1926 jylǵy jaz aılarynda “Eńbekshi qazaq” gazetine de basshylyq jasady. Bul jóninde belgili ǵalym Temirbek Qojakeev “Egemen Qazaqstannyń” 1994 jylǵy 17 jeltoqsanda shyqqan “Gazettiń alǵashqy kerýenbasylary” degen maqalasynda bylaı dep jazady: “1926 jylǵy shildeniń 13-i men tamyzdyń 30-y aralyǵynda gazet redaktory O.Isaev boldy. Bul tusta ol qazkraıkomnyń uıymdastyrý bólimin basqaratyn. Keıin on jyldaı Halyq Komıssarlar Keńesine tóraǵalyq etken isker de bedeldi qyzmetker bolǵan”.
Oraz Isaev 1938 jyly jalǵan jalamen tutqyndalyp, saıası qýǵyn-súrginniń qurbany boldy.
