Jastaıynan aýylda arabsha oqyp hat tanyǵan. 1916 jyly eki klasty aýyldyq orys mektebinde, sonan soń tórt jyldyq mektebinde dáris alǵan. 1923 jyly Orynbor qalasyndaǵy jumysshy fakýltetine túsip, ony 1926 jyly bitirip shyǵady. Munan keıin Ombydaǵy aýyl sharýashylyǵy ınstıtýtynda oqıdy. 1928 jyly Býrabaı orman sharýashylyǵy tehnıkýmynda oqytýshy bolyp isteıdi. Jazýǵa degen qushtarlyǵy osy jerden bastalady.
30-shy jyldary qoǵamdyq jumystarǵa belsene atsalysady. Baspa oryndarynda, keńes, partııa mekemelerinde jaýapty qyzmetter atqarady. 1934 jyldyń naýryzynan 1936 jyldyń maýsymyna deıin “Sosıalıstik Qazaqstan” gazetiniń bas redaktory bolyp isteıdi.
1938-1955 jyldar aralyǵynda biryńǵaı jazýshylyq jumyspen shuǵyldanady. 1955-1966 jyldary – “Ara” jýrnalynyń bas redaktory, qazaqstan Jazýshylar odaǵy basqarmasynyń birinshi hatshysy. 1958 jyldan bastap KSRO Jazýshylar odaǵy basqarmasy hatshylarynyń biri, Lenındik jáne Memlekettik syılyqtar jónindegi Búkilodaqtyq komıtetiniń múshesi boldy.
Ǵ.Músirepovtiń eńbegi orasan. Bárinen buryn jurtshylyq ony qazaq ádebıetiniń proza, dramatýrgııa salalarynyń damyp, kórkeıýine óziniń qundy týyndylarymen zor úles qosqan úlken jazýshy dep tanıdy, kórkem sózdiń sheberi, zergeri dep biledi.
Ǵ. Músirepov 1985 jyly qaıtys boldy.
