Kaır sotynyń sheshimimen Mýhammed Mýrsı 15 táýlikke qamaldy. Oǵan tyńshylyq jasady, HAMAS qozǵalysymen baılanysta boldy degen aıyp taǵylyp otyr. Bul týraly ITAR-TASS habarlady.
El basqarý qyzmetinen shettetilgen eks-prezıdent qyzy Shaıma Mýrsı ákesine taǵylǵan aıyptardyń negizsiz ekenin alǵa tartyp, sotqa shaǵym túsiretinin málim etti. «Biz ákemizge taǵylǵan aıyptardy joqqa shyǵaramyz. Ony taqtan taıdyrý úshin ádeıi áskerı tóńkeris jasaldy», - deıdi ol.
Ázirge Mysyr elin Ádlı Mansýr basqaryp otyr. Ol jaqyn arada Parlamenttiń joǵary palatasyn taratatynyn atap ótti. Osy arqyly Konstıtýsııa jarǵysyn qabyldaýǵa bekinipti.
Keıbir aqparat kózderindegi derekke júginsek, Mýhammed Mýrsı qamalǵannan keıin, «Musylman baýyrlar» qozǵalysynyń 300 belsendi múshesin qamaýǵa sheshim shyǵarylǵan kórinedi. Biraq, olardyń barlyǵy bolmasa da, Mýhammed Badı men onyń eki orynbasary qolǵa túsken.
Danııar Túımebaı.
