Á. Qasteev atyndaǵy QR Memlekettik óner mýzeıinde «Inemen jazylǵan keskindeme» kórmesi ótti.
Kórme kýratory Oksana Tanskaıanyń aıtýynsha, «Inemen jazylǵan keskindeme» Gúlmıra Sadyqovanyń birinshi kórmesiniń ataýy ǵana emes, onyń shyǵarmashylyǵynyń máni. Eger de keskindemeshiler ózderiniń týyndylaryna kompozısııa qurarda, sýret josparlap, kenepke qylqalamyn jaqyndatyp, tústik aksentterin qoıatyn bolsa, ismer-kesteshiniń qolyndaǵy ıne – qylqalamnyń, al mata – keneptiń rolin atqarady. Ol sýretti ınemen ǵajap etip salady, sýretshi úshin árbir jip aralyǵy keskindemeniń jaǵyndysyna teń.
Sheber shyǵarmanyń áleýetin anaǵurlym asha túsý úshin baspa keste tehnıkasyn táýir sanaıdy. Bul tehnıka sheberdiń yntasymen jáne ómir yrǵaǵymenúılesim tapqan. Ineni sheber ıgergen Gúlmıra Tursynqyzy qylqalammen jazatyn asqan sheberispetti. Keıde jipteri kenep betinde erkin jatqan boıaý jaǵyndylary sııaqty óz ornyn taba qalady. Keıde, shoqtalyp jınalyp, kilem tehnıkasyna yńǵaılanyp, pastozdyq keskindemege de uqsap ketedi. Túıme, paıetka, teńge, monshaq, maıda monsha, toqyma, tabıǵı elementter sııaqty dekoratıvtik elementterdi paıdalanyp, avtorlyq keste kólemdi keskindemeniń belgilerine ıe bolady. Gúlmıra Tursynqyzynyń árbir kartınasynyń sıýjetten bólinbeıtindeı jeke shyǵý tarıhy bar, osy hıkaıamen jańa tanysqan kórermen sheberdiń ıdıasynyń mánine barynsha tolyqtaı ene alady.
Sýretshiniń ınteraktıvti dep ataýǵa bolatyn tolyqtaı jaýapkershiligi bar mundaı jumystary kórermenniń júreginen erekshe oryn aldy.
Gúlmıra Sadyqovanyń shyǵarmashylyǵynda keıdeısoqtyq nárse kezdespeıdi. Avtor engizgen kez kelgen sımvol, tańba, zat, ıshara, allegorııa – sanaly ári nanymdy túrde qosylady. «Gúlmıra Tursynqyzynyń «Inemen jazylǵan keskindemesinde» de sheberdiń ómirlik fılosofııasynyń máni jatyr.
ALMATY
