JEEK otyrysy barysynda Eýrazııalyq ekonomıkalyq odaq aıasyndaǵy memleketaralyq yntymaqtastyqtyń basty máseleleri talqylandy.
Basqosýda uıym jumysynyń aralyq qorytyndylary jasalyp, taraptar aldaǵy jyldardaǵy ıntegrasııalyq qarym-qatynastyń perspektıvalary týraly pikir almasty.
Jıynda Reseı Prezıdenti Vladımır Pýtın Qazaqstannyń Tuńǵysh Prezıdentine uıymnyń qurylýy men nyǵaıýyna qosqan úlesi úshin alǵys aıtty.
– Men osy qaýymdastyqty qurýǵa bastamashy bolǵan Joǵary Eýrazııalyq ekonomıkalyq keńestiń Qurmetti tóraǵasyna rızashylyǵymdy bildirgim keledi. EAEO jaqsy jumys atqaryp keledi. Biz Sizdi Sankt-Peterbýrgte jańa mártebede qarsy alǵanymyzǵa qýanyshtymyz, – dedi Reseı Prezıdenti.
Shaǵyn jáne keńeıtilgen quramdaǵy kezdesýlerdiń qorytyndylary boıynsha Keńes músheleri ekonomıkalyq ıntegrasııany odan ári tereńdetý úshin birqatar mańyzdy sheshimder qabyldady.
