5 mıllıonynshy jolaýshynyń esimi esepteý jolymen anyqtalǵan. Nursultan Nazarbaev halyqaralyq áýejaıy basqarmasynyń tóraǵasy Rádilbek Ádımolda jeńimpazǵa áýejaı atynan baǵaly syılyq tabys etip, jınalǵandardy áýejaıdyń jetistigimen tanystyrdy. Nur-Sultan qalasyna nemerelerimen ushyp kelgen Zeınep Beısenbekqyzyna áýejaı atynan jol shabadany, «Fly Arystan» avıakompanııasy atynan kez kelgen baǵyt boıynsha ushýǵa sertıfıkat berildi.
Bul bıylǵy jańadan ashylǵan ishki jáne halyqaralyq áýe baǵyttary arqyly júzege asyp otyr, onyń ishinde Praga, Ulan-Bator, Tokıo jáne «S7 Airlines» jańa avıakompanııasynyń baǵyttary bar.
Ishki baǵyttar boıynsha jolaýshylar aǵynynyń ulǵaıýy «FlyArystan» jańa avıakompanııasynyń Almaty, Shymkent, Taraz, Semeı, Pavlodar, Qostanaı jáne Máskeýge reıster ashýy nátıjesinde júzege asyp otyr.
2019 jylǵy 11 aıdaǵy kórsetkish boıynsha, jolaýshylar aǵyny 4,7 mln jolaýshyǵa jetken. Bul ótken jylǵy osy kezeńmen salystyrǵanda 9,2 %-ǵa kóp. Al ushý baǵyty boıynsha reıster sany 19 myńnan asyp, 2018 jylǵy osy kezeńmen salystyrǵanda 3,7 %-ǵa ulǵaıdy.
Aıta keteıik, Nursultan Nazarbaev halyqaralyq áýejaıy – Ortalyq Azııa óńiriniń eń zamanaýı áýejaılarynyń biri bolyp sanalady, onyń tarıhy 1931 jyldan bastaý alady. 2017 jyldyń 5 maýsymynan bastap halyqaralyq áýe qatynasy reısterine qyzmet kórsetetin T1 termınaly paıdalanýǵa berildi. Sondaı-aq T2 termınaly – ishki baǵyttarǵa qyzmet kórsetýge arnalǵan.
Nursultan Nazarbaev halyqaralyq áýejaıy – táýligine 200-ge deıin reıs qabyldap, shyǵaryp salady, 14 myńnan astam jolaýshyǵa qyzmet kórsetedi. 2018 jyly 30 myń reıske qyzmet kórsetilip, jolaýshylar aǵyny 4,5 mln-nan astam jolaýshyny qurady.
Qazirgi ýaqytta elorda áýejaıy Halyqaralyq azamattyq avıasııa qaýymdastyǵynyń IIIA sanatyna ıe, sondaı-aq ushý massasy shektelmeı, barlyq úlgidegi áýe kemelerin qabyldaıdy jáne olarǵa qyzmet kórsetedi.
