Bir boıyna san qyrly ónerdi toǵystyrǵan daryndy jandy týǵan jer taqyryby kóbirek tolǵandyrady. Onyń syrshyl sezimge toly lırıkalyq óleńderi men ánderin tyńdaýshylar árkez jyly qabyldaıdy. Salamatty ómir saltyn serik etken ol –djıý-djıtsý boıynsha halyqaralyq dárejedegi sport sheberi, dzıýdo, sambo, qoıan-qoltyq urystan joǵary sanatty ulttyq tóreshi.
Aǵartý isiniń úzdigi balalar men jasóspirimder sport mektebiniń jattyqtyrýshysy bolyp kóp jyl boıy jemisti eńbek etti. Sońǵy jyldary polısııa qyzmetkerleri úshin qoıan-qoltyq urys boıynsha nusqaýshy bolyp jumys istedi. Qazir jas sportshylardy jattyqtyrýmen aınalysady. О́negeli ustaz sambo jáne qazaqsha kúresten kóptegen sport sheberlerin daıyndady. Onyń Sergeı Gorlov, Vıktor Grýdının, Oleg Aleksandrov, Roman Djantleev syndy shákirtteri Qazaqstan, Azııa, Eýropanyń birneshe dúrkin chempıondary atandy.
«Bos ýaqyttarda mýzykamen, óleń shyǵarýmen, sýret salýmen, bılıard oınaýmen shuǵyldanamyn», deıdi Vıktor Denısenko.
Jıyn sońynda aqynnyń «Qazaqstan» atty óleńiniń jelisi aıasynda túsirilgen beınerolık usynyldy.
Soltústik Qazaqstan oblysy
