- Búgingi tańda Turǵyn úı qurylys jınaq banki salymdar boıynsha eń joǵary tıimdi mólsherlemeni - 13% - ǵa deıin usynady. 2% bazalyq mólsherleme kezinde depozıtter boıynsha mundaı tabysqa memlekettiń 20% mólsherindegi syılyqaqysy esebinen qol jetkiziledi. Ol 200 AEK nemese 505 000 teńgeden aspaıtyn somaǵa esepteledi. Iаǵnı, eger bir jyl ishinde bizdiń klıent osyndaı somany jınasa nemese ony bir mezgilde engizse, 2019 jyldyń qorytyndysy boıynsha ol eń joǵary syıaqy – 101 000 teńge alady, - dep túsindirdi Medet Abýgalıev.
TQJB-de shot bola tura, memlekettik baǵdarlamalarǵa qatysýǵa nemese kommersııalyq naryqta sharshy metr satyp alýǵa bolady. О́ńirimizdiń 10 myńǵa jýyq turǵyny fılıaldyń ashylýynan bastap turǵyn úı-qurylys jınaq júıesi arqyly turǵyn úı jaǵdaıyn jaqsartty.
«Áskerı baspana» baǵdarlamasy aıasynda bizdiń óńirde 2018-2019 jyldary jalpy somasy 4,359 mlrd teńgege 295 qaryz berildi. Onyń ishinde 2018 jyly 1,005 mlrd teńgege 83 qaryz berildi, 2019 jyly jalpy somasy 3,354 mlrd teńgege 212 qaryz berildi.
Turǵyn úı tólemderin alatyn áskerı qyzmetshiler men arnaıy organdardyń qyzmetkerleri baǵdarlamaǵa qatysýshylar bolyp tabylady. Baǵdarlamaǵa qatysý úshin olardan turǵyn úı qunynyń 15% jınaqtaýmen turǵyn úı qurylys jınaq bankinde arnaıy salym bolýy qajet, nesıe 8% - ǵa deıingi mólsherleme boıynsha resimdeledi, osy ónim boıynsha qaryzdar bastapqy jáne qaıtalama turǵyn úı satyp alýǵa beriledi. Baǵdarlamany jańartý 2020 jyly josparlanyp otyr.
«Baqytty otbasy» baǵdarlamasy 2019 jyldyń 17 shildesinen bastaldy. 2019 jylǵy 11 jeltoqsandaǵy jaǵdaı boıynsha bizdiń óńirde 257 klıent osy baǵdarlama boıynsha ótinim berdi, onyń ishinde 172 klıent qaryz aldy, taǵy 69 qatysýshy oń sheshim alyp, turǵyn úı izdeý barysynda.
Jańa áleýmettik baǵdarlamaǵa kóp balaly otbasylar, múmkindigi shekteýli balalardy tárbıelep otyrǵan otbasylar jáne kámeletke tolmaǵan balalarmen tolyq emes otbasylar qatysa alady.
Olar úshin nesıe somasynyń 10% mólsherinde bastapqy jarna bolǵan jaǵdaıda jyldyq 2% mólsherleme boıynsha qaryzdar beriledi. Qaryz merzimi - 20 jylǵa deıin.
«Baqytty otbasy» baǵdarlamasynyń kómegimen alǵashqy jáne ekinshi narqtan páterler nemese jeke úı satyp alýǵa bolady. Qaryzdyń eń joǵarǵy somasy Aqtaý qalasynda 15 mln teńgeni, al óńirde bul soma 10 mln teńgeni quraıdy.
Turǵyn úı qurylys jınaq banki daǵdarysqa qarsy «О́z úıim» jeke baǵdarlamasyn ázirledi.
Búgingi tańda fılıal kelesi nysandarda turǵyn úı satyp alýdy usynyp otyr:
3 shaǵyn aýdan, №8 úı - TK «Mamyr» JShS «QurylysStroıServıs» kompanııasy. Osy turǵyn úı keshenindegi 1 sh.m. quny 167 000 teńgeni quraıdy. 3 klass jaılylyǵy, tazalaý aldyndaǵy árleý, turǵyn úı shaǵyn aýdanda teńizdiń, ınfraqurylymy damyǵan kóp qabatty turǵyn úılerdiń janynda, balabaqshalar men mektepterdiń janynda ornalasqan. Injenerlik kommýnıkasııalar qosylǵan, júzege asyrylatyn páterlerdiń aýdany 1 bólmeli-41,5 m2, 3 bólmeli-84,5 m2 quraıdy.
19 shaǵyn aýdan, TK «Hanshaıym» JShS «KazStroıPremıým-2007» kompanııasy. Bul turǵyn úı keshenindegi 1 sh.m. quny 125 000-130 000 teńgeni quraıdy. 3 klass jaılylyǵy, tazalaý aldyndaǵy árleýde, úı perspektıvaly jańa shaǵyn aýdanda jol boıynda, qazaq-túrik lıseıimen (QTL), ınfraqurylymy damyp kele jatqan kóp qabatty turǵyn úılerdiń, balabaqshalardyń, mektepterdiń janynda ornalasqan. Injenerlik kommýnıkasııalar júrgizilgen. Kólik turaǵy, balalar alańy bar. Turǵyn úı ulýtastan jasalǵan, panoramalyq terezeleri bar. О́tkiziletin páterlerdiń aýdany 1 bólmeli-59,0 m2, 2 bólmeli – 78,3 m2, 3 bólmeli-111,64 m2. Sondaı-aq, 34 shaǵyn aýdan, TK «Mıras» JShS «Megastroıservıs» kompanııasy. Bul turǵyn úı keshenindegi 1 sh.m. quny 165 000-175 000 teńgeni quraıdy. 3 klass jaılylyǵy, tazalaý aldyndaǵy árleýde, Aqtaý qalasynyń damyp kele jatqan aýdanynda ornalasqan, obektiniń ornalasýy óte yńǵaıly, «Mańǵystaý arena» sport kesheni, Nazarbaev Zııatkerlik mektebi, «Dına» gıpermarketi, balabaqshalar janynda ornalasqan. Injenerlik kommýnıkasııalar qosylǵan. О́tkiziletin páterlerdiń aýdany 1 bólmeli-44,0 m2, 2 bólmeli – 65,1 m2, 3 bólmeli-107,06 m2.
16 shaǵyn aýdan, № 49 jáne 50 úıler. JShS «Kazelıtstroı» kompanııasy TK «Keremet». Turǵyn úı perspektıvaly jańa shaǵyn aýdanda «Aqtaý» saýda-oıyn-saýyq ortalyǵynyń, bolashaqta ınfraqurylymy damyǵan kóp qabatty turǵyn úılerdiń janynda ornalasqan, bolashaqta balabaqsha, mektep qurylysy josparlanýda. Kólik turaǵy, balalar alańy, mınımarketter bar. Kirme joldar óte yńǵaıly. 1 sh. m. quny 190 000 teńgeni quraıdy. О́tkiziletin páterlerdiń aýdany 1 bólmeli-54,0 m2, 2 bólmeli-73,5 m2, 3 bólmeli – 121,7 m2 jáne 4 bólmeli-160,0m2.
Budan ári TK «Aıraqty» jáne «Aıraqty -2» JShS «Kaspıı Qurylys LTD». Úıler 17 shaǵyn aýdanda ornalasqan. Jańa jol men TRK «Aqtaý»-ǵa jaqyn. Aýlada jańa úılerdiń turǵyndaryna arnalǵan jekemenshik balabaqshalar bar. Keshen aýmaǵynda shaǵyn marketter, tamasha balalar alańy, bolashaqta mektep qurylysy josparda bar. Páter aýdany 1 bólmeli-52,2 m2, 2 bólmeli-66,7 m2.
«О́z úıim» baǵdarlamasyna qatysýdyń mańyzdy artyqshylyǵy onyń sheńberinde menshikte basqa turǵyn úı alýǵa ruqsat etiledi.
Mańǵystaý oblysynda «О́z úıim» baǵdarlamasy aıasynda 2020 jyly qalanyń bolashaǵy bar jáne damyp kele jatqan shaǵyn aýdandarynda jańa úılerdi iske asyrý josparlanyp otyr. Bul úılerden páter satyp alý úshin bizdiń salymshylarǵa 20% -50% mólsherinde bastapqy jarna jetkilikti bolady, nesıe boıynsha mólsherleme jyldyq 7% quraıdy.
Barlyq salynyp jatqan nysandar týraly aqparatty baspana.kz saıtynan alýǵa bolady. Bul portal tańdaýdy jeńildetýge jáne turǵyn úıdi bólý prosesiniń ashyqtyǵyna arnalǵan. Ol jerde úmitker salynyp jatqan nysandardyń satysyn kórip, baıqaýǵa qatysýǵa ótinish bere alady.
Mańǵystaý oblysy
