Affınaj zaýyty qurylysynyń jobasy Qazaqstan Respýblıkasy Úkimetiniń qaýlysyna sáıkes 2010-2014 jyldarǵa arnalǵan Respýblıkalyq ındýstrııalandyrý kartasyna engizilgen bolatyn. Joba Tuńǵysh Prezıdent – Elbasy N.Á.Nazarbaevtyń tapsyrmasyna sáıkes júzege asty.
Zaýyt tehnologııasy TMD aýmaǵynda balamasy joq ári jylyna 25 tonna altyn men 50 tonna kúmis óndiretin álemniń ozyq óndirýshilerinen kem túspeıtin asyl metaldardy basqa metaldardyń qospasynan aıyrýdyń halyqaralyq ınnovasııalyq ádistemesine sáıkes ázirlendi.
Zaýyttyń elordada ornalasqandyǵyn eskere otyryp, affınaj tehnologııasyn tańdaý kezinde paıdalanylatyn úderisterdiń tazalyǵyna mán berý negizgi ólshemderdiń biri boldy. Osyǵan sáıkes, tehnologııalyq úderiste paıdalanylatyn jabdyqpen úılestirýde asyl metaldardy qospalardan aıyrýdyń elektrohımııalyq ádisi tehnologııasy tańdaldy jáne ekologııalyq qaýipsizdik pen óndiriletin ónimniń sapasy 100,0% qamtamasyz etiletin bolady.
Senatorlar halyqaralyq yntymaqtastyq, ónimdi satyp alý jáne ony qaıta satý máselelerine qatysty saýaldar qoıdy.
Kompanııa basshylyǵy óndiriletin ónimdi satýǵa baılanysty qıyndyqtar bar ekenin alǵa tartty.
