Ár adam aýdandy damytý boıynsha tolǵandyrǵan suraqtar men usynystardy aıtty. Turǵyndar eldi-mekenderdi damytý, qalalyq qoǵamdyq kóliktiń jumysy, áleýmettik nysandardyń qurylysy, kóshelerdi jaryqtandyrý, sanıtarlyq tazalaý boıynsha suraqtar qoıdy.
Sondaı-aq úlestik qurylys nysandarynyń qurylysyn jańartý, sonyń ishinde «Shyǵys», «Jaǵalaý» turǵyn úı keshenderi jáne osy turǵyn úı nysandarymen baılanysty basqa da máseleler kóterildi. «Shyǵys» turǵyn úı kesheninde 8 turǵyn úı toby bar. 3 top boıynsha qurylys jumystary júrgizilip jatyr, 2 top boıynsha – jobalyq-smetalyq qujattama ázirlenýde, qalǵandary boıynsha – qarjy modeli ázirlenip jatyr. «Altyn Shar» turǵyn úı keshenin «Nurly Jer» baǵdarlamasy aıasynda aıaqtaý josparlanyp otyr.
«Jaǵalaý» turǵyn úı keshenindegi №3 polıgonda qurylys-montaj jumystary júrgizilip jatyr. Qurylys salýshy ýáde beredi, alaıda bergen ýádesinde turmaıdy, turǵyndardyń senimin aqtamaıdy. Zań aıasynda sheshim qabyldaıtyn bolamyz», - dedi qala ákimi Altaı Kólginov.
Elorda ákimi Altaı Kólginov bıyl qurylysy uzaqqa sozylǵan problemalyq turǵyn úı keshenderiniń sany 10-ǵa azaıǵanyn aıtty. Bul 2,5 myń úleskerdiń máselesin sheshýge múmkindik berdi. Jeltoqsan aıynyń sońyna deıin óz páterlerine «Komfort De Luxe» turǵyn úı kesheniniń úleskerleri qonystanady.
Úlestik qurylystaǵy negizgi problemalar qurylys salýshylarmen jáne paıshylardyń arasyndaǵy sot, jobalyq-smetalyq qujattamanyń jáne saraptamanyń, qarjylyq jáne tehnıkalyq aýdıttiń bolmaýy boldy.
Árbir nysan boıynsha ákimdik jumystar júrgizip jatyr. 32 turǵyn úı kesheniniń 26-sy boıynsha aýdıt júrgizildi, 13 turǵyn úı kesheni boıynsha jobalyq-smetalyq qujattama ázirlendi jáne memlekettik saraptamanyń oń qorytyndysy alyndy. 19 nysan boıynsha jobalyq-smetalyq qujattama daıyndaý jáne túzetý satysynda. «Nurly Jer» baǵdarlamasyna ózgerister engizildi, bul ınvestorlar izdestirýdi jeńildetýge jáne qurylys jumystaryn jedeldetýge múmkindik berdi.
Árbir obekt boıynsha qadamdyq is-sharalar jospary ázirlendi, obektilerdiń jol kartasy bekitildi. Kóterilgen máselelerdiń bir bóligi sheshilse, qalǵandary jumysqa alyndy. Osyndaı kezdesýler júıeli túrde ótkiziletin bolady.
