Jıyn moderatory bolǵan Baqtııar Máken óz sózinde bilim berý salasyndaǵy sybaılas jemqorlyqqa qarsy is-qımyl, ony aldyn alý boıynsha qabyldanyp jatqan sharalar týraly aıtyp berdi.
«Sybaılas jemqorlyqqa qarsy kúreske baǵyttalǵan júıeli jumystyń nátıjesinde elordada onyń deńgeıiniń tómendeýi baıqalady. Bul barlyq salalarǵa qatysty. Bul baǵytta qalalyq sybaılas jemqorlyqqa qarsy kúres departamenti úlken ról atqarady. Sonymen qatar jańa zań kúshine endi» dedi qala ákiminiń orynbasary Bahtııar Máken.
Sondaı-aq ákim orynbasary sybaılas jemqorlyqqa kúdigimen ustalyp, áreketi dáleldengen jaǵdaıda ol azamat óz isine jaýap berýi kerektigin aıtty.
«Sybaılas jemqorlyqtyń aldyn alý boıynsha mańyzdy jumystardyń biri – túsindirý jumystary. Keıbir jaǵdaıda birden aıqaıǵa kóshpeı ózinara túsindirý sharasyn uıymdastyrǵan jón. Bizdiń búgingi sizderdi jınaýdaǵy maqsatymyz da sol. Sebebi durys túsinispeýshiliktiń arty keıde jaqsylyqqa aparmaıdy» dedi ol.
Al Sybaılas jemqorlyqqa qarsy qyzmet departamenti basshysynyń birinshi orynbasary Jazıra Jylqyshıeva Memleket basshysynyń Qazaqstan Respýblıkasynyń zańnamalyq aktilerine sybaılas jemqorlyqqa qarsy is-qımyl máseleleri boıynsha qol qoıǵan jańashyldyqtar týraly aıtyp, agenttiktiń parasattylyq, ádildik pen adaldyqty qalyptastyrýǵa baǵyttalǵan jumysynyń basym baǵyttaryn túsindirdi.
Budan ári aqparattyq-lektorlyq shtab músheleri Erbol Irgebaı men Ernar Jumataev sóz sóıledi.
Spıkerler belgili qoǵam qaıratkerleri memlekettik qyzmetshiler, kvazımemlekettik sektor ókilderi, eńbek ujymdary men jalpy halyq arasynda sybaılas jemqorlyqqa qarsy mádenıetti qalyptastyrý boıynsha jumys júrgizetin aqparattyq-lektorlyq shtabtyń jumysy týraly baıandady.
Sondaı-aq olar qatysýshylardy sybaılas jemqorlyq kórinisterin qabyldamaýǵa, parasattylyq, adaldyq, ádildik pen patrıotızmge tárbıeleýge shaqyrdy.
