Jergilikti turǵyndarǵa kitaphana qyzmeti tolyq qoljetimdi, tıimdi bolý barysynda «Bıblıoterapııa» jobasy iske asty.
Bul jobanyń negizgi maqsaty – kitapty ár oqyrmanǵa jetkizý.
Qyzmettiń qoljetimdiligi artady, suranystardy ýaqytynda jáne jedel oryndaý múmkindigi týady, aqparattylyǵy jáne mazmunynyń tereńdigi artady degen senim bar. Sonymen birge «Otbasy jylýy» jáne «Urpaqtar dıalogy», «Kitap qoryn birge jasaımyz» jobalary júzege asyrylýda.
Jobanyń maqsaty – kitap qoryn oqyrmannyń suranysyna baılanysty tolyqtyrý.Jastarǵa arnalǵan «ZhaStar» jobasy sheńberinde kitaphana barlyq toptaǵy jastardy biriktirip, olardyń ár saladaǵy, ónerdegi, ǵylym jáne bıznestegi jetistikterin kórsetýde. Kitaphanada Web-RABIS baǵdarlamasynyń 5 modýli de, ıaǵnı, «Kitap qoryn tolyqtyrý», «Katalogızator», «Izdeý jáne tapsyrys berý», «Kitap berý» jáne «Oqyrmandardy tirkeý» júıeleri oqyrmandarǵa qyzmet kórsetýde.
Mysaly «S.Toraıǵyrov atyndaǵy oblystyq kitaphana baspa betterinde», «Esimderdiń shoqjuldyzy», «О́ńir ǵalymdary» sıfrlyq ensıklopedııasy», «О́ńirdiń ádebı kartasy», «Sultanmahmut Toraıǵyrov» vırtýaldy kitaphanasy», «Pavlodar óńiriniń qazirgi avtorlary» QR-kitaphanasy jobalary jalǵasýda.
О́lketaný jaıynda ádebıetterdi sandyq júıege keltirip, sırek jáne baǵaly kitaptardyń elektrondyq kolleksııalary daıyndalýda. Internet júıesin paıdalanyp, beınekonferensııalar, onlaın rejıminde vebınarlar ótkizý dástúrge aınalyp otyr. Respýblıka jáne elden tys jerde ótetin sharalarǵa qashyqtyqtan qatysý oqyrmandarymyzǵa kerekti aqparattar alýda. О́ıtken, kitaphanalar qazirgi túbegeıli ózgeristerge beıimdelýde.
Aqparattyq zaman-kitaphanaǵa da jańa mindetter men maqsattar júkteýde.
-Al, qazirgi jastar, jasóspirimder kitap oqýdan qalyp, zamanaýı «gadjetterge» táýeldi bolýda. Bizdiń maqsat - kitaphanada dástúrlilik pen jańashyldyqty saqtap qalyp, barlyq jaǵdaıdy jasaý. Ǵalamdyq jańa tehnologııalardy paıdalana otyryp, dástúrli kitap oqý mádenıetin joǵaltpaý. Oqyrmanymyzdy kóbeıtý úshin kitaphanaǵa kelgen paıdalanýshyǵa barlyq jaǵdaıdy jasalýda, deıdi oblystyq kitaphana mamandary.
Al, kitaphanalyq salany modernızasııalaý jáne kitaphana mamanynyń sanasyn ózgertý, kitaphanalyq keńistikti jasap, ıntellektýaldy ortany qalyptastyrý baǵytyna bet burý - zaman talaby.
