Halel Muqataıuly Maqsutov 1964 jyly Qarqaraly aýdanynda dúnıege kelgen. Bilimi joǵary: H.Dosmuhamedov atyndaǵy Atyraý memlekettik ýnıversıtetin «Quqyqtaný» jáne «Ekonomıka bakalavry» mamandyqtary boıynsha támamdaǵan.
Eńbek jolyn Qarqaraly avtokólik kásipornynyń júrgizýshisi bolyp bastady. 1987 jyldan 1993 jylǵa deıin komsomol organdarynda jumys istegen. Odan keıin Qaraǵandy oblystyq ákimshiliginiń jastar isi jónindegi komıtetiniń tóraǵasy, oblystyq jastar isi, týrızm jáne sport basqarmasy bastyǵynyń orynbasary, Mıchýrın aýdandyq ákimshiligi basshysynyń orynbasary, Abaı aýdany ákiminiń orynbasary, oblystyq aqparat jáne qoǵamdyq kelisim basqarmasynyń bastyǵy bolyp qyzmet etti.
1999 jyldan 2009 jylǵa deıin Atyraý oblysynyń ártúrli mekemelerinde jumys istedi. Atyraý qalasy ákiminiń orynbasary, Jylyoı aýdanyndaǵy Qulsary qalasynyń ákimi, kásipkerlik jáne ónerkásip departamenti dırektorynyń orynbasary, jumyldyrý jumysy, azamattyq qorǵanys, apattar men dúleı apattardyń aldyn alýdy jáne joıýdy uıymdastyrý basqarmasynyń bastyǵy qyzmetterin atqardy.
2009-2011 jyldary Qaraǵandy qalasy ákiminiń orynbasary boldy.2011 jyldyń mamyrynan 2019 jyldyń jeltoqsanyna deıin Qarqaraly aýdanynyń ákimi bolyp qyzmet etti.
